MATHI 10:1 - AMÜSÜH HÜM CL Bible (BSI)

¹ Jisunü api jingyanrü thürükheak mahne jimukhung, tüsho amünean mebo yankhitpü tüsho tukthsü le phüthsüphüram mungji alala ngushihpü arü kilim wu jih.

MATHI 10:1 Iomraidhean Croise

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MATHI 26:20

Küyimki arelim kamkhea, apinü thürükheak mahne lung bin.

MATHI 26:47

Api thade alachoki, thürükheak mahne bolung khülang, Juda, anihbuh lung amükeam putungrübo tüsho mihtsürü yo azothsürübonü athiyikhi nukshangbo le shinuk shuhrü boto ato bebah arü.

MATHI 4:23

Jisunü Galilee alala ching yübah, arü yo sinagogbo ching thsangyu, kiulongthsü thiyusheak atsü thsangyuthsangra, tüsho mihtsürü bolung tukthsü tüsho phüthsüphüram mungji aban thsüngujih.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

MATHI 9:35

Jisunü arü sinagogbo ching thsangyude, kiulongthsü yusheak atsü thsangyuthsangrade tüsho tukthsü le phüthsüphürambo thsüngude kiutobo tüsho kiulongbo alala ching yü.

MATHI 9:38

Jumonü thulu yimlupung ching rhimorü arüshang de yimlu putungpuh ki nüsanü tamkhüntamnüang.”

LUKNÜ ATHRÜTKHI THIYUSHEAK-ATSÜ HUHTANYU 10:19

Kheahang, phurutobo le lungthsühribo tüsho thiriri wu alala kurungkheak thrümpü inü nüsa kilim thiyukhüm-sühmüh jihchoh, tüsho tümünü she nüsa mütrünthsü.

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

LUKNÜ ATHRÜTKHI THIYUSHEAK-ATSÜ HUHTANYU 24:49

Kheahang, inü I Buhnü alokhikhi nüsa kheak yüshihchoh; tüshe akulimnü nüsa kheak wu marüyi khiungde nüsanü Jirusalem kiuto ching aleangang.”

LUKNÜ ATHRÜTKHI THIYUSHEAK-ATSÜ HUHTANYU 6:13

Tüsho küyimki ayinkhikhea, apinü ajingyanrübo ji tüsho arü bolungnü arü thürükheak mahne mokhit, apinü arübo ki amüsüh-thsangyurü de ji;

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

JOHAN 3:27

Johannü alo, “Yinmi chingnü api ki müjih-a lasho mihtsürünü tümü leangkhikhukpü.”

JOHAN 3:35

Abuhnü atsührü muzhochoh, tüsho lüpdükhi api khah ching jihdo.

JOHAN 6:70

Jisunü arü ki alo, “Inü nüsa thürükheak mahne mokhitkhi yung de? Tütüshe nüsa bolung khülang a arimri ah!”

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 19:15

Tüshe amünean menü arü ki alo, “Jisu tüsho Paul inü mükheahlah; tüshe nüsa sherü a?”

AMIKHEAKAKHIUKKHI 12:1

Tüsho thüning kheak amütsan ato akhiuk; aliberü khülangnü ani phuyu, ajing khüp khinu la, tüsho aku kheak chining thürükheak mahne kuthran lakheah.