MATHI 1:20 - AMÜSÜH HÜM CL Bible (BSI)

²⁰ Tüshe api harü lümde alachoki, Atungpuh yunirü khülang milim ching api ki akhiukbah tha, “David tsührü Josep, nü niube thsüpü Mari lupü dütre, tümüde Amüsüh Me hode alibe mübünkeangde lah.

MATHI 1:20 Iomraidhean Croise

THRÜNTAN 31:11

Judüki Thrünpuh yunirünü milim ching I ki tha, ‘Jakob.’ Tüsho inü alo, ‘I ha ching lah.’

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

1 KIULONG THSÜRÜ 17:13

Elijanü alibe ki tha, “Dütre; yüang tüsho nünü athakhi ruk thsang; tüshe akhuhde yikhap-zünkhi anikhüh I kilim lubah arang, tüsho ju dunglim nü tüsho nü tsührü thsungkheak tümükhüh mozümodoang.

1 KIULONG THSÜRÜ 3:5

Gibeon ching Atungpuhnü azhing ching Solomon ki milim ching akhiuka huh; tüsho Thrünpuhnü tha, “Inü nü ki tümü jihbeanü kheangang.”

MUNGSHIKHÜN 119:125

I nü yamlarü ah; I ki anikhitkhi jihang, junangde inü nü yakzan thsükhibo mükheahbah.

MUNGSHIKHÜN 143:8

Yapsu nü muzho inü soshang, tümüde inü nü kheak kinchoh; I tsahpü limro I ki mükheahshang, tümüde inü nü ki I me shuhkihchoh.

MUNGSHIKHÜN 94:19

I lümthsünü mükhebinkhi ching, nünü ashukheamkhinü I me asühshihchoh.

MÜCHITMUDU 12:5

Thiyuro-lungkirü lümkhibo alim lah, tüshe mihbukmuyuk lümthiyanbo mülapyukbe lah.

ISAIA 26:3

Sherü lümkhi dükünglanü nünü mungtsü ching zochoh– tümütüsho arünü nü kheak kinchoh.

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

ISAIA 7:13

Judüki Isaia nü tha: “ Kheakü aniang, O David yamkhün! Nü thsungkheaknü mihtsürü khikhi khide ninilah de, nünü I Thrünpuh she keaksahshihba de?

ISAIA 7:2

Küyimki Sirianü Ephraim kheak arihkhi David yamkhünnü asokhea, Ahaz tüsho api mihtsürü mulong ju murung ching sangdungbo apungnü ayünkhi nangde ajan.

JEREMIA 31:22

Külokhüh nü rümde atsahba, O akin mülakhi tsührübe? Tümüde Atungpuhnü alomi kheak kukruk aso khülang thründo; aliberü khülangnü athrürü kümdopü lah.

JEREMIA 33:26

inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

JEREMIA 40:9

Shaphan tsührü Ahikam tsührü Gedalianü arübo le bonungrü ki thiyuchihchimde tha, “ Kaldearü tankihpü dütre. Ha lomi ching laang tüsho Babilon kiulongthsüpuh tankihang tüsho nüsa tsüde alabah.

JOEL 2:28

Ju dunglim inü alala kheak I me dungkihbah; nüsa tsührübo tüsho nüsa tsührübebonü müchitbah, azobuhrübonü milimbo mibah, tüsho athrününgtsüngbonü michihbo ngübah.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

MATHI 1:18

Jisu Khrista zübekhi hanangde alakheah: Abe Mari ju Josep ki rhangpü thiyu zoa lachoki, ane mülayide, Amüsüh Me hode alibe mübünkeangde kam.

MATHI 2:12

Milim ching Herod kilim alode düyü de athakhi hode, arünü püpü limronü arü lomi lim alode yü.

MATHI 2:13

Küyimki arü chamachihkhea, Atungpuh yunirü khülang milim ching Josep ki akhiukbah tha, “Asürang, azürü le abe büne bebah Ijip lim tsoang. Inü nü ki müthayi khiungde ju ching laang, tümüde Herodnü azübuh laksahpü yimbah.”

MATHI 2:19

Tüshe küyimki Herod sheabahkhea, Ijip ching Atungpuh yunirü milim ching Josep ki akhiuk

MATHI 2:22

Tüshe küyimki apinü abuh müthri Arkelausnü Judea kurungkheak kiulongthsüchoh de asokhea, apinü ju ching yüpü tre. Tüsho Thrünpuhnü milim ching thamonü apinü Galilee lomi lim alode yü.

MATHI 27:19

Küyimki Pilat ju mahkhaprü binkiu kheak binde alakhea, aniubenü ha yusheak yüshih: “Ju thiyuro mihtsürü kheak tümü düthsü, tümüde api dünkheak yishih milim ching I khide küpkhukdo.”

MATHI 28:5

Tüshe yunirünü aliberübo ki tha, “Dütre, tümüde nüsa ju yümkih-a bahkhi Jisu yimchoh de inü mükheahlah.

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

LUKNÜ ATHRÜTKHI THIYUSHEAK-ATSÜ HUHTANYU 2:4

Tüsho Josep she Galilee ching lakhi Nazareth kiuto chingnü, Judea ching Bethlehem de ajikhi David kiuto ching yü, tümütüsho api David yamkhün chingnü alakheah.

YUNIRÜBO RHIMO 5:19

Tüshe azhing ching Atungpuh yunirünü rihyam khimdopübo yeahshungbah arü bekhit tüsho tha,

AMIKHEAKAKHIUKKHI 19:7

Isanü asühachihanü tüsho asühanü; isanü api müretah jihanü, tümüde Namfimihnunu yamkhün kampü kim arüdo, tüsho api yamkhünbenü anihbe küdah thsüde thsakhama lah;

MAHKHAPRÜ 13:3

Tüsho Atungpuh yunirü alibe ki akhiuk tüsho tha, “ Kheakü nü aniungyüh ah tüsho tsührü müla, tüshe nü büm makeangde akambah tüsho tsührü khülang labah.