MATHI 1:11 - AMÜSÜH HÜM CL Bible (BSI)

¹¹ Arü Babilon ramtso ching lachoki Josia kheaknü Jekonia tüsho api keoniorübo trükkhit.

MATHI 1:11 Iomraidhean Croise

2 KIULONG THSÜRÜ 23:31

Jehoahaz kiulongthsüpü tankihchoki api kam 23 azorü lakheah; apinü Jirusalem ching khinu mahsam kiulongthsü. Abe mung ju Libnarü Jeremia tsührü Hamutal lakheah.

2 KIULONG THSÜRÜ 24:14

Apinü Jirusalemrü alala, atorü alala, thirithsürü alala, aramrü 10,000, sang kizükidorü alala tüsho yingkingrü lubah tso, lomi ching zhochih traktrak mihtsürü kheak hode she maning.

2 KIULONG THSÜRÜ 25:11

Nebuzaradan aheangrü wühkenobuhnü kiuto ching aninga lakhi, Babilon kiulongthsüpuh kinü atsorü, aningkhi mihtsürü alala ramtso ching bede yü.

2 KIUTHSÜYUKHEAN 36:10

Mükheankim ching kiulongthsüpuh Nebukednezarnü api lung Atungpuh yam ching yo shoto pungphurubo bede lubah Babilon ching yü, tüsho aniurü Zedekia Juda tüsho Jirusalem kurungkheak kiulongthsürü kamshih.

2 KIUTHSÜYUKHEAN 36:20

Nukshang chingnü atsokhitrü apinü Babilon ramtso ching hanbah yü, tüsho Persia kiulongthsükhi khiungde arübo api le api tsührübo yamlarübo kam.

ISAIA 13:1

Amoz tsührü Isaianü Babilon dünkheak ngükhi müchityu.

JEREMIA 27:20

küpü Babilon kiulongthsüpuh Nebukednezarnü Jehoiakim tsührü Juda kiulongthsüpuh Jehoiakin, tüsho api lung Juda tüsho Jirusalem ching mükheahmudurü Jirusalem chingnü Babilon lim ramde ayüchoki mulude ayükhea–

JEREMIA 39:9

Judüki aheangrü wühkenobuh Nebuzaradan nü kiuto ching aninga lakhi mihtsürü alala, api kilim shande arürübo Babilon ching rama lubah tso.

DANIEL 1:2

Atungpuhnü Juda kiulongthsüpuh Jehoiakim tüsho Thrünpuh yam ching yo pungphuru khürü api khah ching jih. Apinü harü Shinar lomi ching handarü, tüsho pungphurubo ju api thrünpuhbo rahpung-yam ching zo.

MATHI 1:12

Tüsho Babilon ramtso dunglim, Jekonia kheaknü Shealtiel trükkhit, tüsho Shealtiel kheaknü Zerubbabel trükkhit.

MATHI 1:17

Junangde Abraham kheaknü David khiungde lün alalanü 14, David kheaknü Babilon ramtso khiungde lün 14, tüsho Babilon ramtso chingnü Khrista khiungde lün 14.