MARK 9:42 - AMÜSÜH HÜM CL Bible (BSI)

⁴² “Tüshe shepünü I kheak kinrü harü anini bolung khülang jing mükheshihbanü, api hung ching hizübe-lung khülang chingkihbah keto asük ching yüzahkhi atsübe labah.

MARK 9:42 Iomraidhean Croise

MATHI 17:27

Tütüshe arü mulong yuribah mütsüle, keto ching yübah keang jipyukang, tüsho akhuh akhiukkhi thüngüh luang. Küyimki amün khimshuhbanü nünü yinchi-sho 1 ngübah; ju luang tüsho ike dün arü kilim jihang.”

MATHI 18:10

“Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

MATHI 18:6

“Tüshe shepünü I kheak kinrü harü azürü nunu bolung khülang neak yihbeakshihbanü, api hung ching hizübe-lung khülang chingkihbah keto asük ching yüzahkhi atsübe labah.

YUNIRÜBO RHIMO 9:4

Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”

ROMRÜ KILIM PAULNÜ ATHRÜTKHI KIHÜM HUHTANYU 14:13

Jumonü isanü khülangnü khülang thiyumükhapnü, tüshe keoniorü limro ching küyimkishe jingmükhebe yungsho limkhudo muzopü pungkhianü.

ROMRÜ KILIM PAULNÜ ATHRÜTKHI KIHÜM HUHTANYU 15:21

Ha thrüta lah, “Api dünkheak sherü ki müthakheanü arünü angübah, tüsho küyimkishe api dünkheak musorünü anikhitbah.”

ROMRÜ KILIM PAULNÜ ATHRÜTKHI KIHÜM HUHTANYU 16:17

Keoniorübo, nüsa ki thsangyukhi akin-yakzan azhihde achamnak tüsho küpkhuk rhimorü mütsanpü nüsa ki tuthsukchoh; arü kheaknü chamkhiang.

2 KORINT 6:3

Isa tankihkhi ching amülim tümü müngüpü thsüde isanü she limro she jingmükhebe muzhochoh,

FILIPI 1:10

junangde tümü atsübeanü nüsanü mütsankhitbah tüsho tsangkhitde Khrista nimung khiungde areak mükihde,

1 TIMOTHI 5:14

Jumonü inü alümkhia anüphulung khimoberü a rhangbah tsührü lade, arü yambuk tsangshubeah, tüsho isa riri kilim isa azhihpü kim müjihbeah.

2 PETER 2:2

Ahihdonü arü makhamaleak limrobo yanbah, tüsho arü hode thiyuro ju amütsü kamshihbah.