MARK 9:25 - AMÜSÜH HÜM CL Bible (BSI)

²⁵ Küyimki Jisunü boto alihde arüde angükhea, apinü amünean me ki thürühde tha, “Nü nükhünpeangkhi tüsho aduh me, inü nü ki thiyukhüm jihchoh, api kheaknü akhiukang tüsho api kheak düyüzahlo.”

MARK 9:25 Iomraidhean Croise

ZEKARIA 3:2

Tüsho Atungpuhnü Arimri ki tha, “Atungpuhnü nü thürühchoh, O Arimri! Jirusalem mokhitbuh Atungpuhnü nü thürühchoh! Ha buh mihtsürü ha mo chingnü adukkhitkhi mozhuh yung de?”

MATHI 12:22

Judüki amünean me yüzahkhi, müktukrü aduh-a api ki bedarü; tüsho apinü anihbuh thsüngu, junangde mihtsürü müktukrü aduh-a lakhinü thiyu tha tüsho ngü.

MATHI 17:18

Jisunü amünean me thürüh, tüsho anihbuh kheaknü api akhiuk; tüsho ju kim chingnü azürü ju nguabah.

MARK 9:15

Zukleangnü küyimki arünü api ngükhea, mihtsürü alalanü khide müyinnim, tüsho alihde yübah api ki salüm jih.

MARK 9:24

Judüchokinü azürü abuhnü zhi tüsho chike akhiukde tha, “Atungpuh, inü kinlah; I akin musuhdahkhi rungang!”

MARK 9:26

Judüki me junü arungbah zünga adanshih, tüsho api kheaknü akhiuk. Tüsho api ashekhi nangde kam, jumonü ahihkhühnü tha, “Api shea lah.”

LUKNÜ ATHRÜTKHI THIYUSHEAK-ATSÜ HUHTANYU 11:14

Apinü amünean aduh me yankhitde alakheah. Jumonü küyimki amünean me wukhiukkheanü aduh-a lakhi junü thiyu tha; tüsho botobonü müyinsah.

LUKNÜ ATHRÜTKHI THIYUSHEAK-ATSÜ HUHTANYU 4:35

Tüshe Jisunü api thürühde tha, “Dalan, tüsho api kheaknü akhiukang!” Judüki amüneannü mihtsürü ju arü alala miki jipa bah tüsho api mütrünthsüde akhiukabah.

LUKNÜ ATHRÜTKHI THIYUSHEAK-ATSÜ HUHTANYU 4:41

Tüsho amüneanbo she arü ahihkhüh chingnü zhide akhiuk, “Nü Thrünpuh tsührü ah!” Tüshe apinü arü thürüh, tüsho athapü arü ki mümülü, tümütüsho api ju Khrista ah de arünü mükheah.

LUKNÜ ATHRÜTKHI THIYUSHEAK-ATSÜ HUHTANYU 8:29

Tümüde apinü mihtsürü kheaknü akhiukpü amünean me ki thiyukhüm jih. (Tümütüsho ahihkhüh ki api rama zo; yinchiliubonü rhükbah aheangrü ki zo, tüshe apinü arhükkhibo yihshak tüsho amünean menü bede mütüm ching yü.)

LUKNÜ ATHRÜTKHI THIYUSHEAK-ATSÜ HUHTANYU 9:42

Api arüde alachoki amünean menü api züngde shuh-a adan, judüki Jisunü amünean me thürühbah azübuh ju thsüngu, tüsho abuh kilim jihlo.

YUNIRÜBO RHIMO 16:18

Tüsho alibenü hade nimung ashang thsü. Tüshe Paulnü mulong zhipzhipde kambah me ki tha, “Alibe kheaknü akhiukpü Jisu Khrista mung chingnü inü nü ki thiyukhüm jihchoh.” Tüsho ju kim chingnü akhiukabah.

JUDNÜ ATHRÜTKHI KIHÜM HUHTANYU 1:9

Tüshe yunirü atobuh Maikelnü she Mosa pang dünkheak arimri ki rukachihchoki mükhemükimde abahyukpü mümürang, tüshe api ki tha, “Atungpuhnü nü thürühshang!”