MARK 9:20 - AMÜSÜH HÜM CL Bible (BSI)

²⁰ Judüki arünü api kilim azübuh ju bedarü. Tüsho küyimki me junü Jisu ngükhea, zukleangnü azübuh züngkudungshih. Api alo kheak keam tüsho mün ching rhukrhukde lungphülap.

MARK 9:20 Iomraidhean Croise

MARK 1:26

Amünean menü mihtsürü ju ajande achangnü arungshih, tüsho api kheaknü akhiukabah.

MARK 9:18

Küyimki api rambanü, api alo kheak keamchoh, mün ching rhukrhukchoh, ahü mütrütchoh, tüsho züngkudungchoh. Jumonü api yankhita bahpü inü nü jingyanrübo ki tha, tüshe arünü müyankhitkhuk.”

MARK 9:19

Apinü arü ki alo, “O akin mülakhi lün, külokhüh I nüsa lung laba? Külokhüh inü nüsa lung arümba? I kilim bede arang.”

MARK 9:21

Jisunü azürü abuh ki keo, “Hanangde külokhüh lakhea?” Apinü alo, “Azüchokinü ah.”

MARK 9:26

Judüki me junü arungbah zünga adanshih, tüsho api kheaknü akhiuk. Tüsho api ashekhi nangde kam, jumonü ahihkhühnü tha, “Api shea lah.”

LUKNÜ ATHRÜTKHI THIYUSHEAK-ATSÜ HUHTANYU 4:35

Tüshe Jisunü api thürühde tha, “Dalan, tüsho api kheaknü akhiukang!” Judüki amüneannü mihtsürü ju arü alala miki jipa bah tüsho api mütrünthsüde akhiukabah.

LUKNÜ ATHRÜTKHI THIYUSHEAK-ATSÜ HUHTANYU 8:29

Tümüde apinü mihtsürü kheaknü akhiukpü amünean me ki thiyukhüm jih. (Tümütüsho ahihkhüh ki api rama zo; yinchiliubonü rhükbah aheangrü ki zo, tüshe apinü arhükkhibo yihshak tüsho amünean menü bede mütüm ching yü.)

LUKNÜ ATHRÜTKHI THIYUSHEAK-ATSÜ HUHTANYU 9:39

Tüsho kheahang, amünean menü api rama lah, tüsho zukleangnü arungchoh; junü api zünga adanchoh, junangde amün ching mükeke rhukrhukchoh. Hanü api arothsünnü bahkhichoh.

LUKNÜ ATHRÜTKHI THIYUSHEAK-ATSÜ HUHTANYU 9:42

Api arüde alachoki amünean menü api züngde shuh-a adan, judüki Jisunü amünean me thürühbah azübuh ju thsüngu, tüsho abuh kilim jihlo.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.