MARK 9:18 - AMÜSÜH HÜM CL Bible (BSI)

¹⁸ Küyimki api rambanü, api alo kheak keamchoh, mün ching rhukrhukchoh, ahü mütrütchoh, tüsho züngkudungchoh. Jumonü api yankhita bahpü inü nü jingyanrübo ki tha, tüshe arünü müyankhitkhuk.”

MARK 9:18 Iomraidhean Croise

JOB HU H T ANYU 16:9

Apinü abukakhiukde I thothünak tüsho I thraneando; apinü I kheak azhihde ahü mütrüt; I ririnü I azhihde juh-a kheahchoh.

MUNGSHIKHÜN 112:10

Mihbukmuyuknü ju ngübah tüsho mulong rozhakbah; api hü mütrütbah tüsho niuabahbah; mihbukmuyuknü akünkhi dükheakbah.

MATHI 15:22

Tüsho kheahang, Kanan liberü khülang ju mükeak chingnü arü tüsho api ki zhide tha, “I kheak amüthsüm laang, O Atungpuh, David tsührü! I tsührübe khitode amünean me yüzah-a lah.”

MATHI 17:16

Inü api nü jingyanrübo kilim bebah arü tüshe arünü api müthsüngukhuk.”

MATHI 8:12

Tüshe kiulongthsü ching larübo a amiting ching yankhita bahbah. Ju ching atripkhi tüsho hü mütrütkhi labah.”

MARK 11:23

Atsütsü inü nüsa ki thachoh, shepünü ha müzüng ki, ‘Shuhakhinang tüsho keto ching jipyukang’ de thacho, tüsho api mulong ching müdukiuhlode apinü tümü thachonü adünjipü kinsho, api thsungkheak ju rhimobah.

MARK 9:17

Judüki yimto bolung khülangnü alo, “Thsangyurü, I tsührü khülang aduh me lakhi nü kilim bede arüdo.

MARK 9:19

Apinü arü ki alo, “O akin mülakhi lün, külokhüh I nüsa lung laba? Külokhüh inü nüsa lung arümba? I kilim bede arang.”

MARK 9:20

Judüki arünü api kilim azübuh ju bedarü. Tüsho küyimki me junü Jisu ngükhea, zukleangnü azübuh züngkudungshih. Api alo kheak keam tüsho mün ching rhukrhukde lungphülap.

MARK 9:26

Judüki me junü arungbah zünga adanshih, tüsho api kheaknü akhiuk. Tüsho api ashekhi nangde kam, jumonü ahihkhühnü tha, “Api shea lah.”

YUNIRÜBO RHIMO 7:54

Küyimki arünü harü sokheanü arü bukakhiuk tüsho api azhihde arü hü mütrüt.

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.