MARK 8:38 - AMÜSÜH HÜM CL Bible (BSI)

³⁸ Tümütüsho shepünü ha yüliyüra tüsho neak lakhi lün ching I tüsho I yubo dünkheak achihbanü, amüsüh yunirübo bede Abuh müretahkhi ching api arüchoki Mihtsürü Tsührünü anihbuh dünkheak achihbah.”

MARK 8:38 Iomraidhean Croise

DANIEL 7:10

Mo ayung khülang bukde la tüsho api kinü bukkhit. Chithürü kheak chithürübonü api tankih, tüsho chithürü thürü kinü chithürü thürü api ki zhip. Mahkhappü kim tankih, tüsho hümbo khimshuh-a lakheah.

DANIEL 7:13

Inü azhing michih ching kheahchoki, inü mihtsürü khülang nangde amonü mükamdobah arüde ngü. Tüsho apinü lün labuh ki arü tüsho api miki yü.

ZEKARIA 14:5

Tüsho nüsanü Atungpuh müzüng jindükhün hode atsobah, tümüde müzüngbo dükeak jindükhün ju Azal khiungbah; tüsho nüsanü Juda kiulongthsüpuh nimungbo ching muliuyuk chingnü atsokhi nangde atsobah. Judüki Atungpuh I Thrünpuh lung amüsührü alala bebah arübah.

MATHI 12:39

Tüshe apinü arü ki alo, “Amütsü tüsho müzammüram lünnü amütsan yimchoh, tüsho wukihrü Jona amütsan kheak hobah tümü amütsan müjihde alabah.

MATHI 13:41

Mihtsürü Tsührünü api yunirübo thiyibah, tüsho arünü api kiulongthsü chingnü neak yihbeakshihrü tüsho amütsü rhimorü alala bemukhungbah,

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 16:28

Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”

MATHI 16:4

Mihbukmuyuk tüsho müzammüram lünnü amütsan yimchoh, tüsho wukihrü Jona amütsan kheak hode amütsan tümü müjihde alabah.” Tüsho apinü arü zojihbah tsoabah.

MATHI 24:30

Judüki Mihtsürü Tsührü amütsan thüning ching akhiukbah, tüsho alomi trük alalanü atripbah, tüsho arünü Mihtsürü Tsührü thüning kheak amo ching wu tüsho müretah ato ching arükhi ngübah.

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

MATHI 8:20

Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

MARK 13:26

Judüki Mihtsürü Tsührü wu tüsho müretah ato lade amo ching arükhi arünü angübah.

MARK 14:62

Tüsho Jisunü alo, “I ah. Tüsho nünü Mihtsürü Tsührü Wuto khah tsülim binde tüsho thüning kheak amo ching arükhi ngübah.”

MARK 8:37

Yungsho mihtsürü khülangnü nihbuh rhangdung müthri tümü jihba?

LUKNÜ ATHRÜTKHI THIYUSHEAK-ATSÜ HUHTANYU 19:26

Apinü alo, ‘Inü nüsa ki thachoh, shepü lanü alü jihlobah, tüsho shepü mülanü api lakhi ju she anihbuh kheaknü lude atsobah.

LUKNÜ ATHRÜTKHI THIYUSHEAK-ATSÜ HUHTANYU 9:26

Tümüde shepünü I dünkheak achihchonü, Abuh, amüsüh yunirübo tüsho api müretahkhi ching arüchoki Mihtsürü Tsührünü api dünkheak achihbah.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:51

Tüsho apinü anihbuh ki tha, “Atsütsü inü nü ki thachoh, ha dunglim nünü yinmi khimshuhbah Thrünpuh yunirübo Mihtsürü Tsührü kheak yükihla akila dükhi ngübah.”

JOHAN 12:34

Mihtsürübonü api ki alo, “Khrista lünnü alabuh de isanü yakzan chingnü sodo; Mihtsürü Tsührü abekihbah de küde thsah nünü thacho? Mihtsürü Tsührü ha she a?”

JOHAN 5:27

tüsho api kilim mahkhappü she thiyukhüm-sühmüh jihdo, tümütüsho api ju Mihtsürü Tsührü ah.

YUNIRÜBO RHIMO 10:22

Tüsho arünü tha, “Kornelia, wühkenobuh, alungki tüsho Thrünpuh trekhi mihtsürü, Jihudarü trükshih alalanü tsülah dükhi, amüsüh yunirünü khuhlanga huhbah nü api yam ching arüshihpü tüsho nünü athakhi anipü nü kilim thiyi.”

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

GALATIA 6:14

Tüshe küpü hode alomi I lung, tüsho l alomi lung yümkihkhea, isa Atungpuh Jisu Khrista sangkim kheak hode akükheangpü I kheaknü limshuang.

YUZÜNGTHALO 33:2

Apinü tha, “Atungpuh Sinai chingnü arü tüsho Seir chingnü isa kheak yinkhi; apinü Paran müzüng chingnü tahkih, api amüsührü chithürü thürü lungnü arü, akhah tsülim peang amüküp yakzan lakheah.

1 TESALONIKA 2:19

Tümüde isa Atungpuh Jisu miki api arüchoki isa mulonglam yungsho asühpü yungsho akükheangkhi amütsan tümü laba? Ju nüsa yung de?

1 TESALONIKA 3:13

junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

2 TIMOTHI 1:16

I alochode reangzahshihkhi thsungkheak Onesiphora yamkhün kilim Thrünpuhnü mihmüthsüm jihshang; I rihyam ching lakhi apinü machih,

2 TIMOTHI 1:8

Isa Atungpuh, yungsho api yo aramrü I dünkheak thiyumütsan thsüpü dachih, tüshe Thrünpuh wu ching thiyusheak-atsü thsungkheak thsünüpü ching shihcham luang,

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 11:26

Apinü Ijip rahpungbo kheaknü alü thsüde Khrista dünkheaknü mungchih ngüpü muzho, tümütüsho apinü nihbuh thsambah mikhuh kheahde alakheah.

IBRI 13:13

Jumonü isanü binpung aleanglim api kilim yüanü, tüsho apinü arümkheamkhi mungchih hananü.

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

1 JOHAN 2:23

Shepünü atsührü bahyukchonü Abuh she bahyukchoh. Shepünü atsührü leangkhichonü Abuh she leangkhichoh.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.