MARK 8:34 - AMÜSÜH HÜM CL Bible (BSI)

³⁴ Judüki Jisunü boto le jingyanrübo api kilim jibah tha, “Shepünü I dunglim arüpü künlanü, api küdah thsüde danyukbah nihbuh sangkim shuhang, tüsho I yanang.

MARK 8:34 Iomraidhean Croise

1 KIULONG THSÜRÜ 14:8

tüsho nü kilim jihpü David yamkhün kheaknü kiulongthsü thokhide tso; tütüshe I yamlarü Davidnü, I yukhüm anide tüsho I miki alungki lang rhimode api mulong athrünkhinü I yankhi nangde müthsü,

WÜHKHE 14:24

Tüshe I yamlarü Kaleb kheak me büthsüde alakhi hode mulong jihde I yan, api yükhi lo lim inü api bedarübah tüsho atsührü-tsührübonü ju yamrüplurüp lubah.

MATHI 10:38

Tüsho shepünü nihbuh sangkim hanbah I dunglim müyannü I jingyanrü thsüpü müthülün.

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 27:32

Arü akhiukde alachoki, Simon de ajikhi Serene ching mihtsürü khülang arünü shoru, tüsho arünü api ki nimkih-a sangkim hanshih.

MARK 10:21

Judüki Jisunü api kheahbah muzho, tüsho tha. “Nü khülangnü maban: Nü limro ching yübah nü lakhi alala yinang tüsho zhochihrü kilim jihang, tüsho yinmi ching nü rahpung labah; tüsho arang, I yanang.”

MARK 7:14

Tüsho küyimki apinü boto alala api kilim jikhea, apinü arü ki tha, “Alalanü I ki aniang, tüsho anikhitang:

LUKNÜ ATHRÜTKHI THIYUSHEAK-ATSÜ HUHTANYU 13:24

“Chipimurung amütsümbe chingnü ayüzahpü mürangang, tümüde inü nüsa ki thachoh, ahihkhühnü ayüzahpü yimbah tüshe mukukde alabah.

LUKNÜ ATHRÜTKHI THIYUSHEAK-ATSÜ HUHTANYU 14:33

Ju kiphahde, shepünü nihbuh lakhi alala mübahyuknü I jingyanrü müthsükhuk.

LUKNÜ ATHRÜTKHI THIYUSHEAK-ATSÜ HUHTANYU 18:22

Küyimki Jisunü harü sokhea, apinü anihbuh ki tha, “Nü kheaküshe khülangnü maban. Nü lakhi alala yinang tüsho zhochihrü kilim chama jihang, tüsho yinmi chingnü nü rahpung labah; tüsho arang, I dunglim yanang.”

LUKNÜ ATHRÜTKHI THIYUSHEAK-ATSÜ HUHTANYU 20:45

Judüki mihtsürü alalanü sode apinü ajingyanrübo ki tha,

LUKNÜ ATHRÜTKHI THIYUSHEAK-ATSÜ HUHTANYU 9:23

Judüki apinü arü alala ki tha, “Khürünü I dunglim arünesho api küdah thsüde danyukbah nimung aban nihbuh sangkim shuh-a hanang, tüsho I dunglim yanang.

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.

JOHAN 19:17

Tüsho apinü sangkim hanbah Ibri yunü Golgotha de ajikhi kuro dangpung ching yü,

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

ROMRÜ KILIM PAULNÜ ATHRÜTKHI KIHÜM HUHTANYU 6:6

Isa awün api lung yümkihdo de isanü mükheahlah, junangde neak lakhi pang thsümünimbah tüsho kheaküa isa ju neak azhorü müthsü.

ROMRÜ KILIM PAULNÜ ATHRÜTKHI KIHÜM HUHTANYU 8:17

tüsho isa ju tsührübo a sho, yamrüplurüp lurü ah–api müretahkhi ching isanü shihcham lupü thsüde isanü api thsünükhi shihcham lusho, Thrünpuh yamrüplurüp lurü tüsho Khrista lung rukhüh yamrüplurüp lurü thsübah.

1 KORINT 15:31

Keoniorübo, isa Atungpuh Jisu Khrista ching I nüsa kurungkheak müretahkhinü I nimung aban shechoh de khipkhitshihchoh.

1 KORINT 8:13

Jumonü tsühyungbe ju I keoniorü angakshihbe a sho, inü küyimkishe mütsüh, jude yungsho inü I keoniorü angakshihbah.

1 KORINT 9:19

Tümütüsho mihtsürü alala kheaknü I zuzu lalashe, alü bedarüpü thsüde I küdah thsüde alala azhorü kam.

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

GALATIA 5:24

Tüsho sherü Jisu Khrista yoanü akünkhi tüsho amürühkhi bede shih yakli yümkihabahdo.

GALATIA 6:14

Tüshe küpü hode alomi I lung, tüsho l alomi lung yümkihkhea, isa Atungpuh Jisu Khrista sangkim kheak hode akükheangpü I kheaknü limshuang.

FILIPI 3:10

junangde inü api tüsho arhang kamlokhi wu mükheahbah tüsho api shekhi ching api ruk kamde thsünükhi ching shihcham lubah,

FILIPI 3:7

Tüshe tümüpürü I alü thsükheanü kheakü inü Khrista dünkheaknü kukshahkhi de lümchoh.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

2 TESALONIKA 3:11

Tümütüsho nüsa khürü yomuhyothsünkhinü rhimo tümü mürhimode mührü rhimo ching lang arahrungde alakhi isanü sochoh.

TITA 2:12

akin mülakhi tüsho alomi yihnelune bahyukpü tüsho adanyukpü alungki, tüsho ha lomi ching akinrü thsüde alapü,

IBRI 13:13

Jumonü isanü binpung aleanglim api kilim yüanü, tüsho apinü arümkheamkhi mungchih hananü.

1 PETER 4:1

Tümütüsho isa dünkheaknü Khrista shih ching thsünüdü le, nüsa ju lümkhinü reangzahang, tümüde shepü shih ching thsünükheanü neak ching mübedebahdo,

1 PETER 4:13

Tüshe Khrista thsünükhi ching shihcham lukhi asühachihang, junangde api müretah akhiukchoki nüsa asühachihbah,

2 PETER 1:14

tümütüsho isa Atungpuh Jisu Khristanü I ki huhkhi yande I pang nahde luakhinbah de inü mükheahlah.

1 JOHAN 3:16

Isa rhangdung dünkheak api rhangdung jihkhi hode isanü amuzho mükheahlah; tüsho isanü keoniorü thsungkheak isa rhangdung jihbeah.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.