MARK 7:6 - AMÜSÜH HÜM CL Bible (BSI)

⁶ Apinü arü ki alo, “Isaianü nüsa yiuhkhaprübo dünkheak müchitkhi dükdüa ah, ha thrüta lah: ‘Harü mihtsürünü arü münbonü I wüntre jihchoh, tüshe arü mulong a I kheaknü limshulah.

MARK 7:6 Iomraidhean Croise

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

JOHAN 15:24

Shenü she mürhimokhi inü arü bolung mürhimokhülaa, arü neak mülade alabah; tüshe kheakü arünü ngüdo tüsho I le I Buh chido thraneando.

JOHAN 5:42

Tüshe nüsa kheak Thrünpuh amuzho müla de inü mükheahlah.

YUNIRÜBO RHIMO 28:25

Jumonü Paulnü ha thachoki arü bolung marüpachihde chamachih: “Nüsa jipürü ki Isaia wukihrü hode Amüsüh Menü athakhi ju alungki lakheah:

2 TIMOTHI 3:5

kingaün yakli shuhbah tüshe ju wu reanglokhi labah. Hadürü mihtsürü bahkhiang.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.