MARK 7:37 - AMÜSÜH HÜM CL Bible (BSI)

³⁷ Tüsho arünü hodakde müyinsahde tha, “Apinü alala tsüde rhimodo. Apinü nükhünpeangrünü soshih tüsho mulokikrünü thashih.”

MARK 7:37 Iomraidhean Croise

THRÜNTAN 1:31

Thrünpuhnü apinü athrünkhi alala ngü tüsho ha khide tsüde alakheah. Tüsho ju athuruk nimung arelim tüsho yapsu lakheah.

MUNGSHIKHÜN 139:14

Inü nü shijihbah, tümüde nünü I atrebe tüsho amüyinsahbe thsüde thrüna lah; amüyinsahbebo ju nü rhimobo lah, tüsho inü khide tsüde mükheahlah.

ISAIA 29:18

Ju nimung nükhünpeangrünü thrütqiu yubo sobah, tüsho azhingdokhi tüsho amiting chingnü müktukrü müknü angübah.

MATHI 9:32

Arü wukhiukde alachoki, mihtsürü khülang amünean me yüzahbah thiyu müthakhukde alakhi Jisu kilim bedarü.

MARK 1:27

Judüki mihtsürü alalanü müyinsahde arü bolung keokhiachih, “Ha tümü a? Kingaün-yakzan aso ha tümü a? Tümütüsho thiyukhüm-sühmühnü apinü amünean mebo she thiyukhüm jihchoh, tüsho arünü api ki mihyuanichoh.”

MARK 2:12

Tüsho zukleangnü api asürübah yapkiu shuh-a han, tüsho arü alala mikinü wukhiuk, junangde arü alala müyinsah tüsho Thrünpuh shide tha, “Isanü hanangde küyimkishe müngüakheah!”

MARK 4:41

Arünü khide tre tüsho khülangnü khülang ki thaachih, “Apung le ketonü she api yu anipü thsüde ha tümü mihtsürü a?”

MARK 5:42

Zukleangnü alibenü asürü tüsho tsah, tümüde anihbe kam 12 lakheah. Tüsho arübo müyinsah.

MARK 6:51

Judüki apinü arü kilim sangkung ching yüzah, tüsho apung ju keamlo. Tüsho arübonü müthakhukpü thsüde khide müyinsah.

MARK 7:36

Judüki she ki she dütha de apinü arü ki thiyukhüm jih; tüshe apinü küdükhüh arü ki thiyukhüm jihkhea, ju dükhüh arünü ju alü thari.

MARK 8:1

Judüki nimungbo ching, kheaküshe yimto ato mukhung, tüsho arübo atsühpü mülakhinü apinü ajingyanrü jibah tha,

LUKNÜ ATHRÜTKHI THIYUSHEAK-ATSÜ HUHTANYU 23:41

Ike a lungkide thsümüchido, tümüde ikenü arhimokhi dün ike thsambah leangkhichoh; tüshe ha mihtsürünü amülim tümü mürhimo.”

YUNIRÜBO RHIMO 14:11

Küyimki Paulnü ju rhimokhi botonü angükhea, arünü düsheak zhide Lykaonia yunü tha, “Thrünpuhbo ju mihtsürübo kambah isa kilim akia lah!”