MARK 7:28 - AMÜSÜH HÜM CL Bible (BSI)

²⁸ Tüsho alibenü api ki alo, “Am, Atungpuh, khihnubonü she dükhüm khüp azürübo mündüdre a tsühchoh.”

MARK 7:28 Iomraidhean Croise

MUNGSHIKHÜN 145:16

Nünü nü khah khimshuhchoh tüsho rhangdung lakhi aban reangkeamshihchoh.

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

MATHI 15:27

Tüsho alibenü tha, “Dükdü ah, Atungpuh, tüshe khihnubonü she arü putungrü dükhüm kheaknü adütre ayokhikhi a tsühchoh.”

MATHI 5:45

junangde nüsa ju yinmi ching nüsa Abuh tsührübo thsübah. Apinü amütsü tüsho atsü kheak ani akhiuk-shihchoh, tüsho thiyuro-lungkirü le thiyuro-mülungkirü kheak tsüng arüshihchoh.

MARK 7:27

Tüshe Jisunü alibe ki tha, “Akhuhde azürübo yimtsühshang, tümüde azürübo yo yikhap lua khihnubo kilim jipa jihpü alungki yung.”

MARK 7:29

Judüki apinü alibe ki tha, “Ha thakhi hode nü limro ching yüang; amünean me nü tsührübe kheaknü wukhiukdo.”

ROMRÜ KILIM PAULNÜ ATHRÜTKHI KIHÜM HUHTANYU 10:12

Tümüde Jihudarübo le Greekrü dükeak achamnak müla; ju Atungpuh alala Tungpuh tüsho api mung jirü alala kilim api lakhitbo jihchoh.

ROMRÜ KILIM PAULNÜ ATHRÜTKHI KIHÜM HUHTANYU 3:29

Yungsho Thrünpuh ju Jihudarü Thrünpuh lang a de? Api ju khiungkerü Thrünpuh she yung de? Am, khiungkerü thsungkheak she ah,

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,