MARK 7:26 - AMÜSÜH HÜM CL Bible (BSI)

²⁶ Alibe ju Greekrü, Siria ching, Phoenikia chingnü asürükhi lakheah, tüsho alibenü atsührübe kheaknü amünean me yankhitshihpü mushu.

MARK 7:26 Iomraidhean Croise

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

MATHI 15:22

Tüsho kheahang, Kanan liberü khülang ju mükeak chingnü arü tüsho api ki zhide tha, “I kheak amüthsüm laang, O Atungpuh, David tsührü! I tsührübe khitode amünean me yüzah-a lah.”

MATHI 4:24

Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

MARK 7:25

Tümüde atsührübe amünean me lakhi aliberü khülangnü api dünkheak so, tüsho arübah ajing ki mükhüm.

MARK 7:27

Tüshe Jisunü alibe ki tha, “Akhuhde azürübo yimtsühshang, tümüde azürübo yo yikhap lua khihnubo kilim jipa jihpü alungki yung.”

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

KOLOSI 3:11

Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.