MARK 7:21 - AMÜSÜH HÜM CL Bible (BSI)

²¹ Tümütüsho alunglim mihtsürü mulong chingnü amütsü lümkhi, yüliyüra, müzammüram, mihlaksah,

MARK 7:21 Iomraidhean Croise

THRÜNTAN 6:5

Judüki alomi ching mihtsürü mihbukmuyuk tode alakhi Atungpuhnü ngü, tüsho api mulong ching lümkhi alala mutuklode amütsü lakheah.

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

JOB HU H T ANYU 14:4

Shepünü mümüsühkhi chingnü amüsüh kukruk yihkhitkhukla? She müla.

JOB HU H T ANYU 25:4

Dale küde thsah mihtsürü khülang Thrünpuh miki thiyuro lakhukpü? Küde thsah aliberünü azübekhi tsangkhita lapü?

MUNGSHIKHÜN 119:36

Nü yakzan thsükhibo lim I mulong rholoshang tüsho mükhütmüra alü thsükhi lim yung.

MUNGSHIKHÜN 14:1

Makharünü api mulong ching thachoh, “Thrünpuh müla.” Arü athsümünim lah, arünü athraneanbe rhimochoh, atsü rhimorü she müla.

MUNGSHIKHÜN 14:3

Arü alala tsophülapdo, arü alala rukhüh athsümünim lah; atsü rhimorü khülang she müla.

MUNGSHIKHÜN 53:1

Makharünü api mulong ching tha, “Thrünpuh müla.” Arübo thsümünima lah, tüsho athraneanbe amülimbo rhimodo; atsü rhimorü sheshe müla.

MUNGSHIKHÜN 53:3

Arü mihbüm abannü anguhde tsodo; arü rukhühnü thsümünima lah; atsü rhimorü sheshe müla, khülang she müla.

MÜCHITMUDU 15:25

Atungpuhnü akükheangrü yam thsümünimbah, tüshe apinü khimoberü aredung zojihbah.

MÜCHITMUDU 4:23

Nü lümzülümdokhi kümkangang; tümütüsho ju kenü ah.

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

JEREMIA 16:12

tüsho nüsanü jipürü kheaknü amütsübe yakli huh, tümüde nüsa mihbüm abannü I ki anipü thsunglode, nihbuh lümkhi anihnih amütsü yanchoh.

JEREMIA 17:9

Mulong ju alala kheaknü mülapmüjikhi lah tüsho athsüngupü münchi holah, shepünü ju anikhitkhukba?

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

EZEKIEL 38:10

Atungpuh Thrünpuhnü ha thachoh: Ju nimung lümkhibo nü lüm ching arübah, tüsho nünü amütsü asah khülang thsübah.

MATHI 15:19

Tümüde mulong chingnü amütsü lümkhibo, mihkhukpü, müzammüram, yüliyüra, ahühkhi, arükchih thiyumütsan, mükhemükimbo akhiukchoh.

MATHI 9:4

Tüshe Jisunü arü lümkhi mükheahbah tha, “Tümü thsükhi nüsa mulongbo ching amütsü lümcho?

MARK 7:20

Tüsho apinü tha, “Tümü mihtsürü chingnü akhiukchonü, junü mihtsürü müneanjihchoh.

MARK 7:22

ahühpü, yihnelune, mihbukmuyuk, akeangyu, yakli-amütsü, mükjomükra, lülüshishi, makhakhi akhiukshihchoh.

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

YUNIRÜBO RHIMO 5:4

Ju müyinyichoki nü yo lakhi yung de tüsho ju yinshu sho nü yung de? Tümünü nü hadürü rhimoshihkhea? Nünü mihtsürü ki yung tüshe Thrünpuh ki akeangyu rhimodo.”

YUNIRÜBO RHIMO 8:22

Jumonü nü mihbukmuyukkhi müthriang, tüsho Atungpuh ki tamkhüntamnüang, khükia nü mulong ching ha lümkhi hode apinü nü neak bahjihbah.

ROMRÜ KILIM PAULNÜ ATHRÜTKHI KIHÜM HUHTANYU 7:5

Küyimki isa shih ching lakheanü, yakzannü thurumusukhi neak ching asühbe isa pangbo ching rhimode la, junangde isanü ashepü aso asoshih.

ROMRÜ KILIM PAULNÜ ATHRÜTKHI KIHÜM HUHTANYU 7:8

Tüshe thiyuzüng hode neaknü I kheak yihnelune lakhi mungji alala lahkhitpü kim ngü. Tümüde yakzan kheaknü büthsüde neak ju ashekhi lah.

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

JAKOB 2:4

nüsanü nüsa bolung yakkhitchoh yung de, tüsho amütsü lümkhibo bede mahkhaprübo kamchoh yung de?