MARK 6:34 - AMÜSÜH HÜM CL Bible (BSI)

³⁴ Tüsho küyimki Jisu akhiukkhea, yimto ato ngü tüsho muzhode lüm, tümütüsho arübo aneakrü mülakhi namfimihnubo nangde alakheah. Jumonü apinü arü ki ahihdo thsangyupü tankih.

MARK 6:34 Iomraidhean Croise

1 KIULONG THSÜRÜ 22:17

Judüki Mikaianü tha, “Namfimihnu aneakrü mülakhi nangde Israel alala inü awungbo kheak hiumüzütkhi ngüdo; tüsho Atungpuhnü tha, ‘ Harübo aputungrü müla; arübo mungtsü chingnü thüyam lim yüshang.’”

2 KIUTHSÜYUKHEAN 18:16

Judüki Mikaianü tha, “Namfimihnubo aneakrü mülakhi ruk, Israel alala awungbo kheak hiumüzütkhi inü ngü; tüsho Atungpuhnü tha, ‘ Harübo aputungrü müla; mihbüm aban mungtsü chingnü thüyam lim yüshang.’”

ISAIA 13:14

Shihyankhi shihmüchi nangde, yungsho akümrü mülakhi namfimihnu nangde, alala arü nihbuh mihtsürübo kilim rholobah, tüsho alala arü nihbuh lomi lim tsobah.

JEREMIA 50:6

I mihtsürübo adükheakkhi namfimihnu lakheah; arü namfimihnu neakrübonü awungbo lim rholoshihde bephülapdo; awungbo chingnü müzüngbo ching rümde yü, arünü arü lapung yam mihdo.

EZEKIEL 34:5

Jumonü arübo hiumüzüt, tümütüsho ju ching namfimihnu neakrü mülakheah; tüsho hiumüzütabah, arübo mütüm shiwüh alala thsungkheak jim kamabah.

ZEKARIA 10:2

Tümüde sangthsübonü akeangyu thachoh; tüsho müchitrünü akeangyu ngüchoh; milim-mirünü akeangyu michoh, tüsho akeangkeang ching mulong shukheamchoh. Jumonü mihtsürübo ju namfimihnu nangde rümde tsahchoh; arübo aneakrü mülakhinü küpkhukchoh.

WÜHKHE 27:17

arü müngüh wukhiukla azahla de, tüsho bekhitla beyukla de thsüshang; junangde Atungpuh mihtsürübo ju namfimihnu aneakrü mülakhi nangde mülabah.”

MATHI 14:14

Jisunü wukhiukbah yimto ato ngüchoki, apinü arü muzhode lüm tüsho arü tukthsü thsüngujih.

MATHI 15:32

Jisunü ajingyanrübo api kilim jibah tha, “Inü harü mihtsürübo kheah-a muzholah; arübo I lung nimung mahsam mungdo tüsho arü atsühpü tümü müla. Inü arü khümde muwulungshihne, jude yungsho arü limro ching angakbah.”

MATHI 9:36

Küyimki apinü botobo ngükhea, apinü arü muzhode lüm, tümütüsho arübo aneakrü mülakhi namfimihnubo nangde thsümütsüde tüsho arungrü mülade alakheah.

MARK 6:33

Tüshe botobonü arü yükhi ngü tüsho ahihkhühnü api mükheahbah kiuto alala chingnü jingnü alihde yünü arü müngühnü khiung.

MARK 6:35

Tüsho küyimki nimung zhomakhea, api jingyanrübonü arübah tha, “Ha azhik dangpung ah, tüsho kim zhomado.

MARK 8:1

Judüki nimungbo ching, kheaküshe yimto ato mukhung, tüsho arübo atsühpü mülakhinü apinü ajingyanrü jibah tha,

MARK 8:2

“Inü botobo muzholah, tümütüsho arübo nimung mahsam I lung lado tüsho atsühpü müla.

LUKNÜ ATHRÜTKHI THIYUSHEAK-ATSÜ HUHTANYU 9:11

Tüshe küyimki botonü ju mükheahkhea, arünü api dunglim yan; apinü arü leangkhi tüsho Thrünpuh kiulongthsü dünkheak thade athsüngupü yihnüpü larü thsüngujih.

IBRI 2:17

Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.