MARK 6:20 - AMÜSÜH HÜM CL Bible (BSI)

²⁰ tümütüsho Herodnü api thiyuro tüsho amüsüh mihtsürü thsükhinü Johan tre, tüsho api kümdo. Kim aban api dünkheak sobah khide phümüsüpa lalashe apinü anihbuh ki anipü kün.

MARK 6:20 Iomraidhean Croise

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

2 KIULONG THSÜRÜ 13:14

Kheakü küyimki Elisha ashepü thsüde ayapkhea, Israel kiulongthsüpuhnü api kilim tripde zhi, “Abuh, Abuh! Israel khora-lolungbebo tüsho khoraberübo!”

2 KIULONG THSÜRÜ 6:21

Küyimki Israel kiulongthsüpuhnü arü ngükhea, apinü Elisha ki tha, “Abuh, inü arü laksahanü de? Inü arü laksahanü de?”

2 KIUTHSÜYUKHEAN 24:2

Joashnü amükeambuh Jehoiada nimungbo alala ching Atungpuh miki alungki rhimo.

2 KIUTHSÜYUKHEAN 26:5

Atungpuh trekhi ching api thsangdanbuh Zekaria nimungbo ching apinü Thrünpuh yimpü thsakham; tüsho apinü Atungpuh yimkhi amuyung, Thrünpuhnü api müngühjih.

ABEKHIT 11:3

Atungpuhnü Israelrü kheak Ijiprünü wüntre jihshihde kam. Kheaküshe Mosa ju Ijip lomi ching Pharao yamlarübo tüsho mihtsürübo miki khide wüntre ato lakheah.

EZEKIEL 33:32

Nü a arü ki muzhoachih khün thsürü nangde lah, shepü düsheak atsü la tüsho akingbe tsüde ahoricho; nünü athakhi arünü sochoh, tüshe arünü ju mürhimo.

DANIEL 4:18

Ha I, Nebukednezarnü milim ngükheah. Tüsho nü, O Belteshazzar, thanakkhi amütsan I ki thaang, tümütüsho I kiulongthsü mihtsürü alalanü I ki thanaka müjihkhuk, tüshe nünü kuklah, tümüde amüsüh Thrünpuh me nü kheak lah.”

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

DANIEL 5:17

Judüki Danielnü kiulongthsüpuh mikinü alo, “ Nü thsambahbo nü thsungkheak zoang, yungsho nü thsambahbo khürü kilim jihang! Judüalalashe inü athrütkhi ju kiulongthsüpuh ki khebah tüsho ju amütsan api ki thabah.

MATHI 14:5

Herodnü Johan laksahpü künde alakheah, tüshe apinü mihtsürübo tre, tümütüsho arünü api ju wukihrü khede alakheah.

MATHI 21:26

Tüshe isanü, ‘Mihtsürübo kilimnü,’ de thasho, isanü boto trelah, tümütüsho alalanü Johan ju wukihrü khejihde lah.”

MARK 11:18

Tüsho yakzan thsangyurübo le amükeam putungrübonü ju sobah api laksahpü rük yim; arünü api trede alakheah, tümütüsho mihtsürü alalanü api thsangyukhi kheak müyinsahde alakheah.

MARK 4:16

Lungmi kheak müjih hiua larübo she küyimki arünü thiyu sobanü nahdü lang asühde leangkhichoh;

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.

YUNIRÜBO RHIMO 2:12

Jumonü arü alala müyinsah tüsho shangmangde kambah khülangnü khülang ki tha, “Ha amütsan tümü laba?”

YUNIRÜBO RHIMO 5:24

Küyimki achangbe amükeambuh, arüngyam wühkenobuh, tüsho amükeam putungrübonü harü sokhea, tümü dünjibaki de müyinsah.