MARK 6:15 - AMÜSÜH HÜM CL Bible (BSI)

¹⁵ Khürünü tha, “Ha Elija ah.” Tüsho püpürünü tha, “Ha wukihrü, yungsho khakhih wukihrü khülang nangde lah.”

MARK 6:15 Iomraidhean Croise

MALAKI 4:5

Kheahang, Atungpuh nimung ato tüsho atrebe arüpü müngüh inü nüsa kilim wukihbuh Elija arüshihbah.

MATHI 16:14

Jumonü arünü tha, “Khürünü Johan Baptijihbuh, khürünü Elija, tüsho püpürü Jeremia yungsho wukihrü bolung khülang ah de thachoh.”

MATHI 21:11

Tüsho botonü alo, “Ha Galilee ching lakhi Nazareth chingnü wukihrü Jisu ah.”

MARK 6:16

Tüshe küyimki Herodnü asokhea, apinü tha, “Ha inü aku lipshakkhi Johan ashe chingnü arhang kamloa lah!”

MARK 8:28

Tüsho arünü alo, “Johan Baptijihbuh; tüshe khürünü tha, Elija; tüsho khürünü wukihrü bolung khülang ah de tha.”

LUKNÜ ATHRÜTKHI THIYUSHEAK-ATSÜ HUHTANYU 1:17

Apinü bebuhrü mulong tsührübo kilim, tüsho mihyumanirü thiyuro lümlung lim rholoshihde Atungpuh thsungkheak mihtsürübonü athsakhamshihpü Elija me tüsho wu chingnü Atungpuh müngüh yübah.”

LUKNÜ ATHRÜTKHI THIYUSHEAK-ATSÜ HUHTANYU 7:16

Arü alala trede kam; tüsho arünü Thrünpuh müretahde tha, “Isa bolung wukihrü ato khülang asürüdo!” tüsho “Thrünpuhnü api mihtsürü rhua kheahdo!”

LUKNÜ ATHRÜTKHI THIYUSHEAK-ATSÜ HUHTANYU 7:39

Küyimki api jiyukbuh Pharisirünü ju ngükhea, apinü aküdah thsüde tha, “Ha mihtsürü wukihrü thsüla lasho, api qiude alakhi aliberü ju küdürüanü apinü mükheah-a labeah, tümüde alibe ju aneakrü ah.”

LUKNÜ ATHRÜTKHI THIYUSHEAK-ATSÜ HUHTANYU 9:19

Jumonü arünü api ki alojihde tha, “Johan Baptijihbuh, tüshe khürünü Elija de thachoh; tüsho püpürünü adüso wukihrü bolung khülang arhang kamloa lah de thachoh.”

LUKNÜ ATHRÜTKHI THIYUSHEAK-ATSÜ HUHTANYU 9:8

khürünü Elija akhiuka lah de tha, tüsho püpürünü adüso wukihrü bolung khülang arhang kamloa lah de tha.

JOHAN 1:21

Tüsho arünü api ki keo, “Dale tüsho she a? Nü Elija a shi?” Apinü alo, “I a yung.” Arünü keo, “Nü wukihrü a shi?” Tüsho apinü alo, “Yung.”

JOHAN 1:25

Tüsho arünü api ki keokhide tha, “Nü ju Khrista, Elija yungsho wukihrü she yungsho tümü thsüde nünü bapticho?”

JOHAN 6:14

Judüki Jisunü khinthiyinbe rhimochoki ngürü mihtsürübonü tha, “Tsükjide ha alomi ching arüpü lakhi wukihrü ah.”

JOHAN 7:40

Jumonü boto ching ahihkhühnü ha thakhi sobah tha, “Atsütsü ha wukihrü ah.”

JOHAN 9:17

Arünü mük tuka lakhi mihtsürü ki thalo, “Nü mük khimshuhkhi hode nünü api dünkheak küde thacho?” Apinü alo, “Api wukihrü khülang ah.”