MARK 6:11 - AMÜSÜH HÜM CL Bible (BSI)

¹¹ Tüsho sherünü nüsa müleangkhiba yungsho nüsa ki maniba, nüsa ju chingnü chamachihchoki arü azhihkhi thiyumütsan thsüde nüsa jing kheaknü asungthulung adankhia bahang.”

MARK 6:11 Iomraidhean Croise

NEHEMIA 5:13

Tüsho I chim rümkhi shulünkhim dütründe inü tha, “Alokhikhi yande mürhimorü Thrünpuhnü ha ruk dütrünbah. Thrünpuhnü nüsa yambo tüsho nüsa kukruk tümü she maningshihde luakhinbah.” Mukhunga larü mihbüm abannü “Amen!” thsü tüsho Atungpuh mung shi. Tüsho limberübonü alokhikhi yande rhimo.

MATHI 12:36

Tüshe mihtsürünü mükümkang yu thakhi aban dünkheak mahkhap nimung arünü thiyusheak jihbah de inü nüsa ki thachoh.

MARK 6:10

Kheaküshe apinü arü ki tha, “Kürü dangpung ching nüsa thüyam ching yüzahbanü, nüsa müchamachihyikia ju ching binang.

LUKNÜ ATHRÜTKHI THIYUSHEAK-ATSÜ HUHTANYU 9:5

Tüsho sherünü nüsa müleangkhibanü, ju kiuto chingnü nüsa wukhiukchoki arü azhihkhi amütsan nüsa jing kheak yo asungthulung adankhia bahang.”

YUNIRÜBO RHIMO 18:6

Tüsho küyimki arünü api azhihde aluhkhea, apinü akhim chingnü asungthulung dütrüna bahde arü ki tha, “ Nüsa thiyih nüsa kubo kheak lashang! Inü a tümü mümükheah. Kheakü I khiungkerü kilim yübah.”

ROMRÜ KILIM PAULNÜ ATHRÜTKHI KIHÜM HUHTANYU 2:16

Ha I yo thiyusheak-atsü yande Thrünpuhnü Jisu Khrista hode mihtsürü lümkhibo mahkhap nimung dünjibah.

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

2 PETER 2:6

tüsho Sodom le Gomorra kiutobo mobün kamshihde athsümünim ching bahyuk, tüsho amükinrübo ki amütsan khülang thsü;

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.

1 JOHAN 4:17

Hanangde mahkhap nimung isanü mulong topü thsüde isa bolung amuzho ju banthsangde kamshih, tümütüsho ha lomi ching isa api nangde lah.

JUDNÜ ATHRÜTKHI KIHÜM HUHTANYU 1:7

junangde, Sodom le Gomorra tüsho ju mühi kiutobonü müzammüram tüsho amülim rhimo. Arünü akheam müla mo ching thsümüchinü amütsan thsü.