MARK 5:7 - AMÜSÜH HÜM CL Bible (BSI)

⁷ Khide Achang Thrünpuh tsührü Jisu, inü nü ki tümü thsüba? I düthsümüchi de Thrünpuh mung tamde inü nü ki thachoh.

MARK 5:7 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

1 KIULONG THSÜRÜ 22:16

Tüshe kiulongthsüpuhnü api ki tha, “Tümüshe yung tüshe A TUN GPU H mung chingnü thiyuro thade küdükhüh ki lang inü nü ki thiyuchihchimshihba?”

HOSEA 14:8

O Ephraim, inü nü sangthsübo kheak tümü thsüba? Nü ki alorü tüsho nü kümrü ju I ah. I a lünnü aphüyak sang nangde lah; nü thülünde alapü I kilimnü arüchoh.”

MATHI 16:16

Simon Peternü alo, “Nü a arhang Thrünpuh tsührü Khrista ah.”

MATHI 26:63

Tüshe Jisunü zhikde la. Tüsho achangbe amükeambuhnü api ki tha, “Nü Thrünpuh tsührü Khrista a shi yungnü isa ki thaang de inü arhang Thrünpuh tamde nü ki thachoh.”

MATHI 4:3

Küyimki rükakirü arükheanü api ki tha, “Nü Thrünpuh tsührü a sho, harü lungbo yikhap kampü thiyukhüm jihang.”

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

MARK 1:24

“Isanü nü lung tümü thsüba, Nazarethrü Jisu? Nü isa dükheakshihpü arükhea de? Nü sheanü inü mükheahlah– Thrünpuh yo Amüsüh Khülang ah!”

MARK 14:61

Tüshe apinü malan tüsho tümü malo. Kheaküshe achangbe amükeambuhnü api ki keokhi, “Nü a Müngühmühibuh Tsührü, Khrista a de?”

MARK 3:11

Tüsho amünean mebonü api ngüchoki, api miki mükhüm tüsho zhide tha, “Nü a Thrünpuh tsührü ah.”

MARK 5:6

Tüshe küyimki apinü limshu chingnü Jisu ngükhea, apinü alihde yü tüsho api ki khukning.

MARK 5:8

Tümüde apinü anihbuh ki tha, “Amünean me, mihtsürü kheaknü akhiukang!”

LUKNÜ ATHRÜTKHI THIYUSHEAK-ATSÜ HUHTANYU 1:32

Api ato labah tüsho Khide Achang tsührü de ajibah; tüsho Atungpuh Thrünpuhnü api kilim apü David kiulongthsübinkiu jihbah.

LUKNÜ ATHRÜTKHI THIYUSHEAK-ATSÜ HUHTANYU 4:34

“Ah! Nazarethrü Jisu, nünü isa kheak tümü thsüba? Nü isa dükheakshihpü arükhea de? Nü sheanü inü mükheahlah–Israel Thrünpuh yo Amüsüh Khülang ah.”

LUKNÜ ATHRÜTKHI THIYUSHEAK-ATSÜ HUHTANYU 6:35

Tüshe nü riribo muzhoang, atsü rhimoang, tüsho angülopü mükkin dülade nipjang; tüsho nü thsambah ato labah, tüsho nüsa ju Khide Achang tsührübo thsübah; tümüde apinü makshe-müjihrü tüsho mihbukmuyuk ki muzholah.

LUKNÜ ATHRÜTKHI THIYUSHEAK-ATSÜ HUHTANYU 8:28

Küyimki apinü Jisu ngükheanü zhi tüsho api miki mükhümbah düsheak achangnü tha, “Khide Achang Thrünpuh tsührü Jisu, nü I ki tümü thsüpü la? Inü nü ki mushuchoh, I düthsümüchi.”

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

YUNIRÜBO RHIMO 16:17

Alibenü Paul dunglim zhide yü, “Harü mihtsürü ha nüsa ki akhümkhit limro zhiyukkhi Khide Achang Thrünpuh yamlarübo ah.”

YUNIRÜBO RHIMO 19:13

Jihudarü khürü amünean mebo yankhitde atsahrünü Atungpuh Jisu mung tampü mürang. Arünü amünean mebo ki tha, “Paulnü thsangyuthsangrabuh Jisu mung chingnü inü nü ki thiyukhüm jihchoh.”

YUNIRÜBO RHIMO 8:36

Ane limro ching yüde alachoki ke ki arü, tüsho dukhanü tha, “Kheahang, ha kheak ke lah! Tümü thsüde I mübaptipü?”

ROMRÜ KILIM PAULNÜ ATHRÜTKHI KIHÜM HUHTANYU 16:20

junangde mungtsü Thrünpuhnü nahde nüsa jing khüp Arimri zünakbah. Isa Atungpuh Jisu Khrista amüthsüm nüsa lung laang.

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

IBRI 7:1

Ha buh Melkizedek ha Salem kiulongthsürü tüsho Khide Achang Thrünpuh amükeamrü lakheah. Abrahamnü kiulongthsürü phüyi laksahbah alode arüchoki apinü shoru tüsho api müngühjih,

JAKOB 2:19

Thrünpuh khülang lah de nüsanü kinchoh; tsülah! Arimrinü she kinchoh tüsho trede ajanchoh.

2 PETER 2:4

Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah.

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

JUDNÜ ATHRÜTKHI KIHÜM HUHTANYU 1:6

Tüsho yunirübonü arü lapung dükde mülade amüthrikhi mahkhap ato nimung khiungde akheam müla wuhrünliunü rhüka amiting ching zo;

AMIKHEAKAKHIUKKHI 12:12

O yinmi tüsho nüsa ju ching larübo, asühachihang! Tüshe nüsa alomi tüsho keto are, tümüde amünean bukakhiukkhi ato chingnü nüsa kilim akido; tümütüsho api kim zhomalah de apinü mükheahlah!”