MARK 5:35 - AMÜSÜH HÜM CL Bible (BSI)

³⁵ Api thiyu thade alachoki, sinagog yakzanshuhbuh yam chingnü khürü arübah tha, “Nü tsührübe shea lah. Tümü thsüpü thsangyurü küpkhuk jihpü?”

MARK 5:35 Iomraidhean Croise

MATHI 26:10

Tüshe küyimki Jisunü ju mükheahkhea, apinü arü ki tha, “Tümü thsükhi nüsanü alibe küpkhuk jihcho? Tümütüsho anihbenü I thsungkheak rhimo atsü rhimodo.

MATHI 26:18

Tüsho apinü tha, “Kiuto ching mihtsürü khürü ki yübah thaang, ‘Thsangyurünü thachoh, “I kim thüninde lah; I jingyanrübo tüsho inü nü yam ching phungho-thünio labah.”’”

MATHI 9:18

Apinü arü ki harü thade alachoki, Jihudarü atorü khülang api ki arübah khukningde tha, “I tsührübe kheakü shea lah, tüshe arübah anihbe kheak nü khahnü qiuang tüsho alibe arhang labah.”

MARK 10:17

Jisu api limro ching yüde lachoki, mihtsürü khülang alihde arübah amiki khukning, tüsho keokhi, “Thsangyurü atsü, akheam müla rhangdung yamrüplurüp lupü inü tümü rhimobea?”

MARK 5:22

Tüsho kheahang, sinagog yakzanshuhrü bolung khülang amung Jairus arü. Tüsho küyimki anihbuhnü api ngükhea, apinü ajing ki mükhüm

LUKNÜ ATHRÜTKHI THIYUSHEAK-ATSÜ HUHTANYU 8:49

Api thiyu thade alachoki, sinagog yakzanshuhrü yam chingnü khürü arübah tha, “Nü tsührübe shea lah. Thsangyubuh küpkhuk düjih.”

JOHAN 11:21

Marthanü Jisu ki tha, “Atungpuh, nü ha ching lakhülaa, I niurü müshede alabah.

JOHAN 11:25

Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah.

JOHAN 11:28

Tüsho küyimki alibenü harü thakhea, anihbenü alimro ching yü tüsho ramde aniurü Mari jibah tha, “Thsangyurü arüa lah tüsho nü jihchoh.”

JOHAN 11:32

Küyimki Marinü Jisu lapung arübah api ngükhea, alibenü ajing ki khukningde tha, “Atungpuh, nü ha ching lakhülaa, I niurü müshede alabah.”

JOHAN 11:39

Jisunü tha, “Lung ju lahkhia bahang.” Ashebuh achi Marthanü api ki alo, “Atungpuh, kheaküa shuhrhüm münimlah, tümüde api shekhi nimung phüyi thsüchoh.”

JOHAN 5:25

“Atsütsü inü nüsa ki thachoh, kim arüchoh, tüsho kheakü asherünü Thrünpuh tsührü düsheak sopü lah; tüsho sherünü asobanü rhangdung labah.