MARK 5:23 - AMÜSÜH HÜM CL Bible (BSI)

²³ tüsho api ki mushude tha, “I tsührü akheambe ashepü thsüde lah. Arübah anihbe kheak nü khahnü qiujang, junangde anihbe angubah tüsho rhangdung labah.”

MARK 5:23 Iomraidhean Croise

2 KIULONG THSÜRÜ 5:11

Tüshe Naamannü abukakhiukde tsoabahde tha, “Tsükjide I thsungkheaknü api akhiukbah zhipbahle Atungpuh api Thrünpuh mung ching jide, tüsho api khahnü mü kheak muzhude apham thsüngubah de inü alümkheah!

MUNGSHIKHÜN 107:19

Judüki arünü arü küpkhuk ching Atungpuh ki zhi, tüsho apinü arü lümthsünübo chingnü khümkhit.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MATHI 8:3

Jisunü api khah chunga yüshihbah mihtsürü ju qiude tha, “Inü mulonglah; müsühde kamang.” Tüsho zukleangnü api apham ju nguabah.

MARK 16:18

arünü phuruto thrüa lulu she, tüsho ashebe müzüm yungyung she arü müthsümüchih; arünü tukthsürü kheak arü khahnü aqiubah tüsho arü angubah.”

MARK 5:24

Jumonü Jisunü api lung yü tüsho yimto atonü api dunglim arü tüsho anihbuh mükamdo.

MARK 6:13

Arünü amünean mebo ahihkhüh yankhit, tüsho tukthsürü ahihkhüh müdangke mujujihde thsüngujih.

MARK 7:32

Judüki arünü nükhünpeangrü thiyu müthakhukde alakhi api kilim bedarü, tüsho arünü anihbuh api khahnü aqiupü mushu.

MARK 8:23

Apinü müktukbuh ju akhah kheaknü thoa lubah kiulong chingnü wukhiuk. Küyimki apinü mihtsürü mük kheak mukhiukkihkhea, tüsho akhahnü api qiukhea, Jisunü keo, “Nünü tümükhüh ngünah?”

LUKNÜ ATHRÜTKHI THIYUSHEAK-ATSÜ HUHTANYU 13:13

Apinü anihbe kheak akhah nimkih tüsho judüchokinü alibe ju langakindo kam, tüsho Thrünpuh müretah.

LUKNÜ ATHRÜTKHI THIYUSHEAK-ATSÜ HUHTANYU 4:38

Apinü wusu tüsho sinagog chingnü chamachihbah Simeon yam ching yüzah. Kheakü anihbuh ani phütsaknü tukthsüde alakheah, tüsho arünü alibe rungshihpü api ki tha.

LUKNÜ ATHRÜTKHI THIYUSHEAK-ATSÜ HUHTANYU 4:40

Küyimki ani yüzahde alakhea, tukthsü aphuaphu larü api kilim bedarü; tüsho apinü arü aban kheak akhah nimkih tüsho arübo thsüngu.

LUKNÜ ATHRÜTKHI THIYUSHEAK-ATSÜ HUHTANYU 7:12

Api ju kiuto chipiripit thüninde alachoki, kheahang, khimoberü lapkhiung tsührü shea shuhkhita lakheah; tüsho kiuto chingnü boto ato alibe lung lakheah.

JOHAN 11:3

Jumonü achi pürünü api ki yüshihde tha, “Atungpuh, nünü muzhode alabuh tukthsülah.”

YUNIRÜBO RHIMO 28:8

Publio abuh ju phütsak tüsho thiyih-yüde tukthsü; Paulnü api rhuakheahde tamkhüntamnü, tüsho akhahbo api ku kheak nimkihde thsüngujih.

YUNIRÜBO RHIMO 6:6

Arünü harü amüsüh-thsangyurübo miki zhipshih, tüsho arünü arü kheak khah nimde tamkhüntamnüjih.

YUNIRÜBO RHIMO 8:17

Jushu arünü arü kheak khahbo nimkih tüsho Amüsüh Me leangkhi.

YUNIRÜBO RHIMO 9:12

Tüsho mihtsürü khülang amung Anania arübah api mük bitshihpü anihbuh kheak akhahbonü nimde michih ching ngüdo.”

YUNIRÜBO RHIMO 9:17

Jumonü Ananianü tsahmusu tüsho thüyam ching ju yüzah. Tüsho akhahbo api kheak nimde tha, “Keoniorü Saul, nü mük bitshihpü tüsho Amüsüh Menü mide akamshihpü, limro ching nü ki akhiukbuh Atungpuh Jisunü I nü kilim thiyikheah.”