MARK 4:8 - AMÜSÜH HÜM CL Bible (BSI)

⁸ Tüsho püpü ju alo atsü kheak hiuyuk tüsho hi mukhuhde asürübah khürünü samrü bande, khürünü rukrü bande, tüsho khürünü chi bande alü asojih.”

MARK 4:8 Iomraidhean Croise

THRÜNTAN 26:12

Judüki Isaknü ju lo ching mükhean, tüsho ju kam chinü alü thsüde yimlu; tüsho Atungpuhnü api müngühjih.

ISAIA 58:1

Zhiang, dütuklo! Hulipungpung nangde nü düsheak shuhkihang! I mihtsürübo ki arü azhihkhi dünkheak zhiyukjang, Jakob yamkhün ching arü neakbo dünkheak zhiyukjang.

JEREMIA 23:29

Atungpuhnü thachoh, I yu mo nangde yung de, tüsho lungto adütre kamde kingnakbe yümlung nangde yung de?

MATHI 13:23

Tüshe alo atsü kheak hiukhi ju shepünü thiyu sobah ju anikhitchonü api ah; apinü hidung akhiukshihbah khürünü chi, khürünü rukrü yungsho khürünü samrü bande asochoh.”

MATHI 13:8

Tüshe khürü alo atsü kheak hiuyuk tüsho khürünü chi, khürünü rukrü, khürünü samrü bande asojih.

MARK 4:20

Tüshe alo atsü kheak hiukhi ju, arünü thiyu sobah leangkhichoh, tüsho khürünü samrü bande, khürünü rukrü bande, tüsho khürünü chi bande asochoh.”

MARK 4:7

Tüsho müjih khürü ayangrungbo ching hiuyuk; ayangrungbo asürübah ju khüpdoabah, tüsho hi tümü maso.

MARK 4:9

Apinü arü ki tha, “Nüsa asopü nükhün kihlasho aniang!”

LUKNÜ ATHRÜTKHI THIYUSHEAK-ATSÜ HUHTANYU 8:15

Tüsho alo atsü ching hiuyukkhi ju, thiyu sobah mulong atsü tüsho thiyuro ching düküngde ramrihcho, tüsho arümkheamde aso asoshihrü ah.

LUKNÜ ATHRÜTKHI THIYUSHEAK-ATSÜ HUHTANYU 8:8

Tüsho khürü alo atsü ching hiubah mukhuh, tüsho chinü alü thsüde aso.” Apinü ha thachoki zhi, “Shepü asopü nükhün kihlanü aniang.”

JOHAN 15:5

I kurungasoliu, nüsa akhahbo. Shepü I kheak lacho, tüsho I api kheak lanü hihde asochoh; tümütüsho I mübede nüsanü tümü müthsükhuk.

JOHAN 7:17

Khürünü api lümkhi rhimopü mulongsho kingaün-yakzan ju Thrünpuh kilimnü a shi I thiyukhüm-sühmühnü asukchonü amükheahbah.

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

EFISIA 2:21

api kheak atrung alala rukhüh müchinru tüsho Atungpuh lung amüsüh arüngyam ching zokihkhi lah;

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

KOLOSI 1:6

alomi alala ching lakhi nangde, küpü nüsa kilim arükhea, tüsho nüsanü asokhi nimungnü nüsa bolung lakhi tüsho Thrünpuh amüthsüm thiyuro ching zokhi nangde;