MARK 4:7 - AMÜSÜH HÜM CL Bible (BSI)

⁷ Tüsho müjih khürü ayangrungbo ching hiuyuk; ayangrungbo asürübah ju khüpdoabah, tüsho hi tümü maso.

MARK 4:7 Iomraidhean Croise

JEREMIA 4:3

Tümüde Atungpuhnü Juda mihtsürü tüsho Jirusalem ching larü ki ha thachoh: Müphünkhi nüsa lo kiuang, tüsho ayangrung ching dühiu.

MATHI 13:22

Ayangrung ching hiukhi ju, shepünü thiyu sobah alomi mulong sansan tüsho lakhit asühkhinü thiyu ju khüpsahshihcho, tüsho aso masochonü api ah.

MATHI 13:7

Khürü ayangrungbo ching hiuyuk, tüsho ayangbo mukhuhbah jurü khüpsahabah.

MATHI 13:8

Tüshe khürü alo atsü kheak hiuyuk tüsho khürünü chi, khürünü rukrü, khürünü samrü bande asojih.

MARK 4:6

Tüshe küyimki ani akhiukkhea, ju phu, tüsho aying mülakhi hode yiuhabah.

MARK 4:8

Tüsho püpü ju alo atsü kheak hiuyuk tüsho hi mukhuhde asürübah khürünü samrü bande, khürünü rukrü bande, tüsho khürünü chi bande alü asojih.”

LUKNÜ ATHRÜTKHI THIYUSHEAK-ATSÜ HUHTANYU 12:15

Tüsho apinü arü ki tha, “Yihnelune dünkheak kümkangang tüsho kurhangang, tümüde mihtsürü rhangdung ju nihbuh lakhit suhdahkhi ching müla.”

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.

LUKNÜ ATHRÜTKHI THIYUSHEAK-ATSÜ HUHTANYU 8:14

Tüsho ayangrung bolung hiuyukkhi ju, sherünü sobah nihbuh lümkhi ching yüchonü, lakhitbo tüsho rhangdung asühakobonü khüpdoshihchoh, tüsho arü sangaso müzamchoh.

LUKNÜ ATHRÜTKHI THIYUSHEAK-ATSÜ HUHTANYU 8:7

Tüsho khürü ayangrungbo ching hiuyuk; ju lung ayangbo asürü tüsho khüpdoabah.