MARK 4:28 - AMÜSÜH HÜM CL Bible (BSI)

²⁸ Alonü aküdah thsüde hi akhiukshihbah asochoh–akhuhde adung, jushu amüchekhi, tüsho aye akhiukchoh.

MARK 4:28 Iomraidhean Croise

THRÜNTAN 2:9

Tüsho Atungpuh Thrünpuhnü alo chingnü tsühyungbe jaktsükhi sangdungbo mukhuhshih. Shahwün phulung ching rhangdung sangdung tüsho atsü amütsü mükheahbe sangdung she alakheah.

MUNGSHIKHÜN 1:3

Api ju ayung yean mukhuhkhi sangdung khülang kiphahlah, akheahmünchi ching aso asochoh tüsho ayü yiuhamübah. Apinü arhimokhi alala ching akuk ngüchoh.

MÜCHITMUDU 4:18

Tüshe alungki tsahpung ju ani akhiukde animuro alü yinde atahkhi nangde lah.

T H S AN GYU T H S AN GR ARÜ 3:1

Thüning bukkhüp lüpdükhi thsungkheak akheahmünchi lah, tüsho yihnüpü aban thsungkheak kim khülang lah:

T H S AN GYU T H S AN GR ARÜ 3:11

Apinü lüpdükhi kim thsungkheak ayearade thsüjihdo; kheaküshe apinü ahokhi tüsho arübe mükheahpü arü lümkhi ching yukjih, tütüshe Thrünpuhnü tümü atankih chingnü akheam khiungde arhimokheanü arünü müyimkhitkhuk.

ISAIA 61:11

Tümüde alonü adübit chinshihkhi nangde, tüsho ayündo ching yangkhi mukhuhkhi nangde, junangde Atungpuh Thrünpuhnü thiyuro-lungki tüsho mungshi ju trükshih alala miki mukhuhshihbah.

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

MATHI 13:26

Küyimki hi mukhuhbah aso asokhea, muthsuaberim she akhiuk.

MARK 4:27

Apinü azhing ching yapchoh tüsho animung asürüchoh tüsho müjih ju mukhuhbah tochoh, tüshe ju küdeanü apinü mümükheah.

MARK 4:29

Tüshe küyimki hi münbanü, apinü hirhüpbenü arhüppü tankihchoh, tümütüsho yimlupü kim khiungdo.”

FILIPI 1:6

Tüsho shepünü nüsa lung rhimo atsü tankihkheanü Jisu Khrista nimung khiungde akhik thsüde arhimobah de inü mütsanlah.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.