MARK 3:7 - AMÜSÜH HÜM CL Bible (BSI)

⁷ Tüshe Jisunü api lung jingyanrübo bebah keto lim yü, tüsho Galilee chingnü yimto ato khülangnü api dunglim yan.

MARK 3:7 Iomraidhean Croise

MATHI 10:23

Küyimki nüsa kiuto khülang ching thsümüchibanü, püpü khülang ching akhinang. Mihtsürü Tsührü marüchoki Israel kiuto alala ching nüsa rhimo mübande alabah.

MATHI 12:15

Tüshe küyimki Jisunü ju mükheahkhea, apinü ju chingnü akhinabah; yimto atonü api dunglim yan, tüsho apinü arü alala thsüngujih.

MATHI 12:16

Tüsho api dünkheak püpürü ki müthapü arü ki thiyukhüm jih.

MATHI 4:25

Galilee, Dekapoli, Jirusalem, Judea tüsho Jordan hobah püpü lomi chingnü yimto ato api dunglim yan.

MARK 1:39

Junangde apinü Galilee alala ching sinagogbo ching thsangyuthsangrade tüsho amünean mebo yankhita bahde yü.

MARK 1:45

Tüshe apinü wukhiukbah thiyusheakbo bushihde zuzu thsüde athapü tankih. Jude athsükhinü Jisu ju zuzu thsüde kiuto ching müyüzahkhukde kam tüshe aleangkheak azhikpungbo ching lakheah; tütüshe mihtsürübonü thrip aban chingnü api kilim arü.

MARK 3:20

Judüki Jisunü thüyam ching yüzah, tüsho kheaküshe yimto atonü mükamlode arü, junangde api le ajingyanrübo yimtsühpü she mütsüde alakheah.

MARK 4:1

Kheaküshe apinü keto yeannü thsangyupü tankih. Tüsho yimto ato api ki mukhung, jumonü apinü sangkung ching yüzah tüsho keto kheak ju ching bin; tüsho yimto athrünkhi keto lim abinde alo kheak lakheah.

LUKNÜ ATHRÜTKHI THIYUSHEAK-ATSÜ HUHTANYU 23:5

Tüshe arünü alü mulong zhipzhipde tha, “Apinü Judea alala, Galilee chingnü ha dangpung khiungde thsangyude mihtsürübo thurumusuchoh.”

LUKNÜ ATHRÜTKHI THIYUSHEAK-ATSÜ HUHTANYU 6:12

Ju kim ching apinü tamkhüntamnüpü awung ching yü; tüsho tsüngreroro apinü mutuklode Thrünpuh ki tamkhüntamnü.

LUKNÜ ATHRÜTKHI THIYUSHEAK-ATSÜ HUHTANYU 6:17

Tüsho apinü arü lung akibah, api jingyanrü boto tüsho Judea le Jirusalem tüsho Tair keyean le Sidon chingnü api yu anipü tüsho arü tukthsübo thsüngupü arükhi mihtsürü yimto ato bebah adükhün kheak zhip;

JOHAN 7:41

Püpürünü tha, “Ha Khrista ah,” tüshe khürünü tha, “Galilee chingnü Khrista arüba de?

JOHAN 7:52

Arünü api ki alo tüsho tha, “Nü Galilee chingnü a de? Yimang tüsho kheahang, Galilee chingnü wukihrü sheshe masürü.”

YUNIRÜBO RHIMO 17:10

Keoniorübonü niokheamde Paul le Sila büne azhing chingnü Berea lim thiyia tsoshih; tüsho küyimki ane akhiungkheanü Jihudarü sinagog ching yüzah.

YUNIRÜBO RHIMO 17:14

Keoniorübonü Paul ju niokheamde keto lim thiyia tsoshih; tüshe Sila le Timothi büne a Berea ching binlo.

JIHUSUA 20:7

Jumonü arünü Naphtali awung lomi ching Galilee ching lakhi Kadesh mokhit; Ephraim awung lomi ching Shekem mokhit; tüsho Juda awung lomi ching Kiriath-arba (ju Hebron) mokhit.

JIHUSUA 21:32

Naphtali trük chingnü kiuto 3 arünü alukhi: Galilee ching yo Kedesh (tsoyukpung kiuto bolung khülang ah), Hammoth Dor, tüsho Kartan, ju lung rimlopungbo she belah.