MARK 2:8 - AMÜSÜH HÜM CL Bible (BSI)

⁸ Ha arü mulong ching lümde alakhi ah de Jisunü nahdü lang api me chingnü mükheah, tüsho arü ki tha, “Tümüde nüsanü hadürü lümcho?

MARK 2:8 Iomraidhean Croise

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

MUNGSHIKHÜN 139:2

Nünü I binkhi tüsho asürükhi mükheahlah; nünü I lümkhi limshu chingnü mükheahlah.

MÜCHITMUDU 15:26

Amütsü lümkhibo ju Atungpuh kilim athraneanbe lah, tüshe atsangkhit yubo apinü asühlah.

MÜCHITMUDU 24:9

Makha asahkhi ju neak, tüsho mihtsürübonü luhmünerü thraneanchoh.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

EZEKIEL 38:10

Atungpuh Thrünpuhnü ha thachoh: Ju nimung lümkhibo nü lüm ching arübah, tüsho nünü amütsü asah khülang thsübah.

MATHI 12:15

Tüshe küyimki Jisunü ju mükheahkhea, apinü ju chingnü akhinabah; yimto atonü api dunglim yan, tüsho apinü arü alala thsüngujih.

MATHI 16:7

Tüsho arünü arü bolung asukachihde tha, “Ha isanü yikhap mulumonü ah.”

MATHI 9:4

Tüshe Jisunü arü lümkhi mükheahbah tha, “Tümü thsükhi nüsa mulongbo ching amütsü lümcho?

MARK 2:7

“Tümü thsükhi ha mihtsürünü hanangde mükhemükimyu thacho? Thrünpuh kheak hode shenü neakbo bahjihpü kukla?”

MARK 2:9

Thripshe tukthsübuh ki, ‘Nü neakbo bahjihdo,’ yungsho, ‘Asürübah nü yapkiu hanang tüsho tsahang,’ de küpü thakhi amülübe laba?

MARK 7:21

Tümütüsho alunglim mihtsürü mulong chingnü amütsü lümkhi, yüliyüra, müzammüram, mihlaksah,

LUKNÜ ATHRÜTKHI THIYUSHEAK-ATSÜ HUHTANYU 24:38

Tüsho apinü arü ki tha, “Tümüde nüsa küpkhukcho? Tüsho tümüde nüsa mulong ching dukiuhlocho?

LUKNÜ ATHRÜTKHI THIYUSHEAK-ATSÜ HUHTANYU 5:22

Küyimki arünü akeokhikhi Jisunü anikhitkheanü apinü arü ki tha, “Tümüde nüsanü nüsa mulong ching keokhicho?

LUKNÜ ATHRÜTKHI THIYUSHEAK-ATSÜ HUHTANYU 6:8

Tüshe apinü arü lümkhibo mükheah, tüsho khah shekhia labuh mihtsürü ki tha, “Arang tüsho ha ching zhipang.” Tüsho apinü wusubah ju ching zhip.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

JOHAN 6:64

Tüshe nüsa amükinrü khürü lah.” Tümüde atankih chingnü amükinrübo ju she a tüsho shepünü api yinatsühbanü Jisunü mükheah.

YUNIRÜBO RHIMO 5:3

Tüshe Peternü tha, “Anania, tümü thsükhi alo yinkhi sho khürü chama zopü Amüsüh Me ki akeangyu thade nü mulong ching Arimri yüzahkhea?

YUNIRÜBO RHIMO 8:22

Jumonü nü mihbukmuyukkhi müthriang, tüsho Atungpuh ki tamkhüntamnüang, khükia nü mulong ching ha lümkhi hode apinü nü neak bahjihbah.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.