MARK 2:7 - AMÜSÜH HÜM CL Bible (BSI)

⁷ “Tümü thsükhi ha mihtsürünü hanangde mükhemükimyu thacho? Thrünpuh kheak hode shenü neakbo bahjihpü kukla?”

MARK 2:7 Iomraidhean Croise

JOB HU H T ANYU 14:4

Shepünü mümüsühkhi chingnü amüsüh kukruk yihkhitkhukla? She müla.

MUNGSHIKHÜN 130:4

Tüshe nü lung neak bahjihkhi lah, junangde nü trede alabah.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

DANIEL 9:9

Isanü api azhih-a lalashe Atungpuh isa Thrünpuh ju mihmüthsüm tüsho neak bahjihrü lah;

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

MATHI 26:65

Judüki achangbe amükeambuhnü akhim thorüpde tha, “Apinü mükhemürang thado! Isanü thiyumütsan alü yihnüpü müla! Nüsanü kheakü apinü mükhemürangkhi sodo!

MATHI 9:3

Ha dünkheak yakzan thsangyurübonü arü küdah thsüde lüm chingnü tha, “Ha mihtsürünü Thrünpuh mükhemürangchoh!”

MARK 14:64

Mükhemürangde athakhi nüsanü sodo! Nüsanü tümü lümcho?” Tüsho arü alalanü api ashepü thülünlah de bahyuk.

MARK 2:6

Tüshe ju ching athrütrü khürü binde alakheah tüsho arü mulong ching lümakheah,

MARK 2:8

Ha arü mulong ching lümde alakhi ah de Jisunü nahdü lang api me chingnü mükheah, tüsho arü ki tha, “Tümüde nüsanü hadürü lümcho?

LUKNÜ ATHRÜTKHI THIYUSHEAK-ATSÜ HUHTANYU 5:21

Tüsho yakzan thsangyurübo le Pharisirübonü keokhide athapü tankih, “Mükhemükimbo thakhi ha shepü a? Thrünpuh kheak hode shenü neak bahjihpü kukla?”

LUKNÜ ATHRÜTKHI THIYUSHEAK-ATSÜ HUHTANYU 7:49

Judüki api lung dükhüm ki binrünü arü bolung thaachih, “Neakbo yamnü bahcho ha she a?”

JOHAN 10:33

Jihudarübonü api ki alo, “Rhimo atsü dünkheak isanü nü müking, tüshe mükhemürangkhi dünkheak ah, tümütüsho nü mihtsürü thsübah Thrünpuh khechoh.”

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?