MARK 2:5 - AMÜSÜH HÜM CL Bible (BSI)

⁵ Küyimki Jisunü arü akin ngükhea, apinü thripshe tukthsübuh ki tha, “I tsah-a, nü neakbo bahjihdo.”

MARK 2:5 Iomraidhean Croise

THRÜNTAN 22:12

Tüsho apinü tha, “Azübuh kheak nü khah düchung, yungsho api ki tümü düthsü; tümüde kheakü nünü Thrünpuh trelah de inü mükheahlah, tümütüsho nünü nü tsührü khülang lang alakhi I ki müsühmüh.”

MUNGSHIKHÜN 103:3

shepünü nü neakbo alala bahjihcho, shepünü nü tukthsübo alala thsüngucho,

ISAIA 38:17

Tsükjide ha I sühakhimpü thsungkheaknü I tode akhühkhi lado; tüshe athsümünimrü shingkung chingnü nünü I me bekhit, tümüde nünü I neak alala nü dunglim bahjih.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

MATHI 9:2

Mihtsürü khürünü thripshe tukthsürü khülang yapkiu kheak yapshihbah api kilim bedarü. Küyimki Jisunü arü akin ngükhea, apinü thripshe tukthsübuh ki tha, “Mulong toang I tsah-a; nü neakbo bahjihdo.”

MATHI 9:22

Tüshe Jisunü rholobah alibe ngü tüsho anihbe ki tha, “I tsührübe, mulong toang; nü akinnü nü ngudo.” Tüsho ju kim chingnü alibe ju nguabah.

MATHI 9:5

Tümütüsho, ‘Nü neakbo bahjihdo,’ yungsho ‘Asürang tüsho tsahang,’ de athakhi küpü amülübe laba?

MARK 2:6

Tüshe ju ching athrütrü khürü binde alakheah tüsho arü mulong ching lümakheah,

MARK 5:34

Tüsho apinü alibe ki tha, “I tsah-a, nü yo akinnü nü thsüngudo. Akhimahede tsoang, tüsho nü tukthsü nguabahang.”

LUKNÜ ATHRÜTKHI THIYUSHEAK-ATSÜ HUHTANYU 5:20

Tüsho apinü arü akin ngübah tha, “Mihtsürü, nü neakbo bahjihdo.”

LUKNÜ ATHRÜTKHI THIYUSHEAK-ATSÜ HUHTANYU 8:48

Tüsho apinü alibe ki tha, “I tsah-a, nü akinnü nü thsüngudo. Akhimahe chingnü tsoang.”

JOHAN 2:25

tüsho khürünü mihtsürü dünkheak thiyumütsan thsüpü yihnüpü müla, tümüde apinü mihtsürü kheak lakhi alala mükheah.

JOHAN 5:14

Ju dunglim Jisunü arüngyam ching api ngü, tüsho tha, “Kheahang, nü tsüde kamdo, neak düyihbeaklo, jude yungsho amütsübe nü kheak arübah.”

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 14:9

Apinü Paul yu thakhi so. Paulnü api ju tsüde kheah tüsho athsüngupü api akin lah de kheahyukbah

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

1 KORINT 11:30

Jumonü nüsa ahihkhüh yiuhyiuhlah tüsho tukthsülah, tüsho khürü shedo.

2 KORINT 2:10

Nüsanü sherü neak bahjihchonü, inü she neak bahjihchoh. Inü tümükhüh neak bahjihsho, Khrista miki nüsa thsülimnü ju neak bahjihbah,

EFISIA 2:8

Tümüde akin hode amüthsümnü nüsa khümkhit; tüsho ha nüsa rhimo yung, ha Thrünpuh thsambah lah,

KOLOSI 3:13

khülangnü khülang arümkheamachihde, tüsho khürünü püpürü azhihde atsangpü lasho, neak bahachihang; Atungpuhnü nüsa neak bahjihkhi nangde nüsanü she neak bahjihbeah.

JAKOB 5:15

akin tamkhüntamnükhinü tukthsübuh ju athsüngubah, tüsho Atungpuhnü api asürüshihbah; tüsho anihbuhnü neak yihbeaka lasho apinü abahjihbah.