MARK 2:26 - AMÜSÜH HÜM CL Bible (BSI)

²⁶ Achangbe amükeambuh Abiathar nimungbo ching, apinü Thrünpuh yam ching yüzah tüsho amükeamrübonü lang atsühpü yakzan lakhi amüsühkhitkhi yikhap tsüh tüsho apinü khürü api lung berübo kilim she jih.”

MARK 2:26 Iomraidhean Croise

2 SAMUEL 15:24

Abiathar she wutu, tüsho Zadok she Levirü lung Thrünpuh tangzüng sangdan shuhbah yü. Mihtsürü alala kiuto chingnü müdütreakkhitkhamyi khiungde arünü Thrünpuh sangdan shuhkhia zo.

2 SAMUEL 15:29

Jumonü Zadok tüsho Abiatharnü Thrünpuh sangdan Jirusalem lim shuhlobah yü tüsho arü ju ching la.

2 SAMUEL 15:35

Amükeamrübo Zadok tüsho Abiathar nü lung ju ching labah. Jumonü tümüpürü kiulongthsüpuh yam chingnü asobanü, ju amükeamrübo Zadok tüsho Abiathar ki thaang.

2 SAMUEL 20:25

Sheva ju athrütrü; Zadok tüsho Abiathar amükeamrübo;

2 SAMUEL 8:17

Ahitub tsührü Zadok tüsho Abiathar tsührü Ahimelek büne amükeamrü lakheah; Seraia a athrütbuh lakheah;

1 KIULONG THSÜRÜ 1:7

Apinü Zeruia tsührü Joab tüsho amükeambuh Abiathar bebah asukachih, tüsho anenü Adonija rung.

1 KIULONG THSÜRÜ 2:22

Kiulongthsüpuh Solomonnü abe ki alo, “Tümüde Shunamrü Abishag ju Adonija thsungkheak nünü keokhicho? Api thsungkheaknü kiulongthsü she keokhiang! Tümüde api I khiung azopü ah; api thsungkheak lang dükeo tüshe amükeambuh Abiathar tüsho Zeruia tsührü Joab thsungkheak she keokhiang!”

1 KIULONG THSÜRÜ 4:4

Jehoiada tsührü Benaia ju bonungrü limthorü lakheah; Zadok tüsho Abiathar ane amükeamrü lakheah;

1 KIUTHSÜYUKHEAN 24:6

Levirü athrütbuh Shemaia, Nethanel tsührünü jurübo, kiulongthsüpuh, atorübo, amükeambuh Zadok, Abiathar tsührü Ahimelek, amükeamrü tüsho Levirü yamkhün ching akubo mikinü thrütyuk.

MATHI 12:4

Apinü Thrünpuh yam ching yüzah tüsho api le api lung berünü yikhap tsüh–amükeamrübo kheak hode arü thsungkheaknü ju rhimopü yakzannü mümülüde alakheah.

MARK 2:25

Jisunü alo, “David tüsho api lung berübonü yihnüpü ching tüsho khümde alachoki tümü rhimokheanü nüsanü küyimkishe mükheakheah de?

1 SAMUEL 21:1

Davidnü Nob ching amükeambuh Ahimelek kilim arü. Ahimeleknü ajande David shorupü arü, tüsho api ki tha, “ Tümü thsükhi nü lung she mübede nü zangrü a le?”

1 SAMUEL 23:6

Küyimki Ahimelek tsührü Abiatharnü Keilah ching David kilim yükhea, api khah ching amükeamrü khim shuhbah aki.

1 SAMUEL 23:9

Küyimki Saulnü api azhihde rük amütsü rhimokhi Davidnü amükheahkhea, apinü amükeambuh Abiathar ki tha, “ Ha ching amükeamrü khim lubah arang.”