MARK 2:24 - AMÜSÜH HÜM CL Bible (BSI)

²⁴ Tüsho Pharisirünü api ki tha, “Kheahang, Amuni mürhimopü yakzan lakhi tümü thsükhi arünü rhimocho?”

MARK 2:24 Iomraidhean Croise

ABEKHIT 20:10

tüshe athüne nipü ju Atungpuh nü Thrünpuh amunimung ah. Ju nimung nünü rhimo tümü düthsü; nü, nü tsührübo, nü tsührübebo, nü yamlarübo, nü yamlaberübo, nü shiwühbo yungsho nü chipi bukkhüp nü hanrübo.

ABEKHIT 31:15

Nimung thuruk rhimo rhimobah, tüshe athüne nipü ju sühakhim amuni, Atungpuh kilim amüsüh lah. Shepünü amuni rhimo rhimobanü asheshihbah.

ISAIA 56:2

Ha rhimokhi mihtsürü, shepünü ha düngde ramrihcho, shepünü amuni mungcho, ju mümüneancho, tüsho amütsü rhimopü chingnü akhah tuklochonü asühpü.

ISAIA 56:4

Tümüde Atungpuhnü ha thachoh: I yo amuni mungkhi dukha kilim, shepünü I asühbe mokhitcho tüsho I yo tangzüng düküngde ramlocho,

ISAIA 56:6

Tüsho khiungkerübo sherünü Atungpuh lung arihcho, api tankihpü, Atungpuh mung muzhopü, tüsho api yamlarü thsüpü, amuni mungrü alala tüsho ju mümüneanjihcho, tüsho I yo tangzüng dükde ramlocho–

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

MATHI 12:2

Tüshe küyimki Pharisirünü ju ngükhea, arünü api ki tha, “Kheahang, Amuni tümü mürhimopü yakzan lanü nü jingyanrübonü rhimochoh!”

MARK 2:16

Tüsho küyimki athrütrü le Pharisirübonü ruk-threrü tüsho aneakrübo lung api yimtsühde angükhea, arünü api jingyanrübo ki tha, “Tümü thsükhi apinü ruk-threrü le aneakrübo lung tsühyungcho?”

MARK 2:25

Jisunü alo, “David tüsho api lung berübonü yihnüpü ching tüsho khümde alachoki tümü rhimokheanü nüsanü küyimkishe mükheakheah de?

MARK 2:7

“Tümü thsükhi ha mihtsürünü hanangde mükhemükimyu thacho? Thrünpuh kheak hode shenü neakbo bahjihpü kukla?”

IBRI 12:3

Aneak mihtsürünü api azhihde mukthsükhi apinü arümkheamkhi lümakheahang, junangde nüsa müyiuhyiuh tüsho mulong müdükheak.