MARK 2:15 - AMÜSÜH HÜM CL Bible (BSI)

¹⁵ Küyimki api Levi yam ching yimtsühde alakhea, ruk-threrü ahihkhüh tüsho aneakrübo she Jisu le ajingyanrü lung binde alakheah; tümüde api dunglim yanrü ahihkhüh lakheah.

MARK 2:15 Iomraidhean Croise

MATHI 5:46

Nüsa muzhorü ki nüsanü muzhosho, nüsa tümü thsambah ngüba? Ruk-threrübonü jude rhimochoh yung de?

MARK 2:14

Tüsho api tsahhode alachoki, apinü Alphia tsührü Levi ruk-threyam ching binde ngü, tüsho apinü anihbuh ki tha, “I dunglim yanang.” Tüsho apinü asürübah api dunglim yan.

MARK 2:16

Tüsho küyimki athrütrü le Pharisirübonü ruk-threrü tüsho aneakrübo lung api yimtsühde angükhea, arünü api jingyanrübo ki tha, “Tümü thsükhi apinü ruk-threrü le aneakrübo lung tsühyungcho?”

LUKNÜ ATHRÜTKHI THIYUSHEAK-ATSÜ HUHTANYU 15:1

Judüki ruk-threrü tüsho aneakrübo alala api ki anipü thüninde arü.

LUKNÜ ATHRÜTKHI THIYUSHEAK-ATSÜ HUHTANYU 6:17

Tüsho apinü arü lung akibah, api jingyanrü boto tüsho Judea le Jirusalem tüsho Tair keyean le Sidon chingnü api yu anipü tüsho arü tukthsübo thsüngupü arükhi mihtsürü yimto ato bebah adükhün kheak zhip;