MARK 16:1 - AMÜSÜH HÜM CL Bible (BSI)

¹ Küyimki Amuni hokhea, Mari Magdalen, Jakob abe Mari tüsho Salome arünü Jisu pang kheak mujupü rhümthüneabe lubah arü.

MARK 16:1 Iomraidhean Croise

THRÜNTAN 50:2

Tüsho Josepnü api yamlarü moli-mükheahrübo ki abuh ju moli mujushihpü thiyukhüm jih. Jumonü moli-mükheahrübonü Israel kheak moli muju;

2 KIUTHSÜYUKHEAN 16:14

Arünü api David kiuto ching anihbuh zangrü api thsungkheak kiukhi kiuyuk ching bah. Arünü api rhümthüneabe rhimosorünü athsakhamkhi rhümthüneabe aphuaphu zokhi dükhüm khülang kheak yapshih; tüsho arünü api ki akin jihde morimoto khülang thsü.

MARK 14:3

Tüsho Bethani ching aphamrü Simon yam ching lachoki, aliberü khülangnü lung-langpung chingnü amo-achak rhümthünea müdangke lubah arü, tüsho api dükhüm ki binde alachoki aku kheak dungkihjih.

MARK 14:8

Alibenü tümü kuklanü anihbenü rhimodo. Alibenü I mi bahpü thsungkheak müdangkenü I pang mujupü amüngühnü arüdo.

MARK 15:40

Ju ching aliberü khürü limshu chingnü kheahde alarü bolung Mari Magdalen, akheambuh Jakob tüsho Josep büne abe Mari, tüsho Salome lakheah,

MARK 15:42

Küyimki arelim kamkhea, Amuni müngüh thsakhamthsayipü nimung lamonü,

MARK 15:47

Tüsho Mari Magdalen le Josep abe Mari anenü Jisu yappung kheahde alakheah.

MARK 16:2

Amu-khip akhuhbe nimung, yapsu mükikde, ani akhiukchoki arünü kiuyuk ching arü.

MARK 16:8

Tüsho arünü wukhiukbah kiuyuk kinü alihde tso, tümüde arü ajan tüsho müyinsah. Tüsho atrekhi hode arünü she ki she tümü mütha.

LUKNÜ ATHRÜTKHI THIYUSHEAK-ATSÜ HUHTANYU 23:54

Ju nimung ju athsakhampü tüsho Amuni khiungde alakheah.

LUKNÜ ATHRÜTKHI THIYUSHEAK-ATSÜ HUHTANYU 23:56

Jushu arünü alode arübah thüneathürabebo tüsho rhümthünea müdangkebo thsakham. Tüsho arünü thiyuzüng yande Amuni sühakhim.

LUKNÜ ATHRÜTKHI THIYUSHEAK-ATSÜ HUHTANYU 24:1

Kheakü amu-khip akhuhbe nimung, yapsu mükikde, arü le püpürü liberübo arünü athsakhamkhi thüneathürabebo lubah kiuyuk ching ju yü.

JOHAN 19:25

Kheakü Jisu sangkim ki abe, abe niurü Klopa niube Mari, tüsho Mari Magdalen lakheah.

JOHAN 19:31

Jumonü ju athsakhamkhi nimung thsükhinü, pangbo ju Amuni sangkim kheak mükihpü lakhi hode (tümüde Amuni ju adungto nimung lakheah), arü jingbo yihshakbah lude atsopü thsüde Jihudarünü Pilat ki keokhi.