MARK 15:14 - AMÜSÜH HÜM CL Bible (BSI)

¹⁴ Judüki Pilatnü arü ki tha, “Tümü thsükhi, apinü amütsü tümü rhimoa la?” Tüsho arünü alü thsüde zhi, “Api yümkihang!”

MARK 15:14 Iomraidhean Croise

MUNGSHIKHÜN 69:4

Amütsan mülade I thraneanrü I kuyü kheaknü ahihbe ah; amudopü mülade I thsümünimpü yimrü I riribo ahihdo lah. Inü mahühkhi shakpü I kheak thsungkihchoh.

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

ISAIA 53:9

Apinü thiyih mubuka lalashe tüsho amün ching akeangyu mülalashe, Arünü api mibahpung ju mihbukmuyuk lung thsü tüsho api kiuyuk alarü lung thsü.

MATHI 27:19

Küyimki Pilat ju mahkhaprü binkiu kheak binde alakhea, aniubenü ha yusheak yüshih: “Ju thiyuro mihtsürü kheak tümü düthsü, tümüde api dünkheak yishih milim ching I khide küpkhukdo.”

MATHI 27:4

Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”

MATHI 27:54

Küyimki bonungrü torü tüsho api lung aheangrübonü muliuyuk züngkhi tüsho adünjikhi alala ngükhea, arünü khide trede tha, “Atsütsü ha Thrünpuh tsührü thsüa lah!”

MARK 15:13

Arünü zhi, “Api yümkihang!”

MARK 15:15

Jumonü Pilatnü boto asühshihpü arü kilim Baraba dükhe; tüsho apinü Jisu ju rhapbah sangkim ching yümkihshihpü jih.

LUKNÜ ATHRÜTKHI THIYUSHEAK-ATSÜ HUHTANYU 23:21

tüshe arünü zhide tha, “Api yümkihang, api yümkihang!”

LUKNÜ ATHRÜTKHI THIYUSHEAK-ATSÜ HUHTANYU 23:4

Judüki Pilatnü amükeam putungrübo tüsho boto ki tha, “Inü ha mihtsürü kheak amülim tümü müyimkhit.”

LUKNÜ ATHRÜTKHI THIYUSHEAK-ATSÜ HUHTANYU 23:41

Ike a lungkide thsümüchido, tümüde ikenü arhimokhi dün ike thsambah leangkhichoh; tüshe ha mihtsürünü amülim tümü mürhimo.”

LUKNÜ ATHRÜTKHI THIYUSHEAK-ATSÜ HUHTANYU 23:47

Kheakü küyimki bonungrü torünü ju dünjikhi ngükhea, apinü Thrünpuh shijihde tha, “Atsütsü ha thiyuro-lungki mihtsürü thsüa lah!”

JOHAN 18:38

Pilatnü api ki tha, “Thiyuro ju tümü a?” Tüsho küyimki apinü ha thakhea, apinü Jihudarü kilim wungdo wukhiuklobah arü ki tha, “Inü api kheak amülim tümü müyimkhit.

JOHAN 19:6

Jumonü küyimki amükeam putungrü tüsho atorübonü api ngükhea, arünü zhide tha, “Api yümkihang, api yümkihang!” Pilatnü arü ki tha, “Nüsanü api lubah yümkihang, tümüde inü api kheak amülim tümü müyimkhit.”

YUNIRÜBO RHIMO 13:28

Arünü api asheshihpü thsüde amudopü mülalashe api laksahpü thsüde Pilat ki keo.

YUNIRÜBO RHIMO 19:34

Tüshe küyimki arünü api ju Jihudarü ah de amütsankhea, kimkhü 2 bande arü alala düsheak rukhühnü zhi, “Efisiarü yo Artema ato ah!”

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

1 PETER 1:19

tüshe lapha yungsho areak mükihkhi namfimihnunu nangde, Jisu shoto thiyih hode ah.