MARK 14:61 - AMÜSÜH HÜM CL Bible (BSI)

⁶¹ Tüshe apinü malan tüsho tümü malo. Kheaküshe achangbe amükeambuhnü api ki keokhi, “Nü a Müngühmühibuh Tsührü, Khrista a de?”

MARK 14:61 Iomraidhean Croise

MUNGSHIKHÜN 119:12

Nü a müngühmühi ah, O Atungpuh ! Nü yakzan thsükhibo I ki thsangyuang.

MUNGSHIKHÜN 2:7

Inü Atungpuh yakzan zhiyukbah: Apinü I ki tha, “Nü I tsührü ah. Khihni I nü buh kamdo.

MUNGSHIKHÜN 39:9

Inü thiyu mütha, inü I mün mükhimshuh, tümütüsho nünü ha rhimokheah.

ISAIA 53:7

Api ajunokheah, tüsho api thsümüchido tütüshe apinü amün mükhimshuh; namfimihnunu alaksahpü bede ayükhi nangde, tüsho namfimihnunu khülang anam rhiprü miki zhikde alakhi nangde, apinü amün mükhimshuh.

MATHI 16:16

Simon Peternü alo, “Nü a arhang Thrünpuh tsührü Khrista ah.”

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

MARK 14:60

Tüsho achangbe amükeambuhnü mikhuh ching zhipbah Jisu ki keokhi, “Nünü tümü maloba de? Mihtsürübonü nü azhihde thiyumütsan jihkhi ha tümü a?”

MARK 15:2

Judüki Pilatnü api ki keokhi, “Nü Jihudarü kiulongthsüpuh a de?” Tüsho apinü alo, “Nünü athakhi nangde ah.”

JOHAN 1:34

Tüsho ha Thrünpuh tsührü ah de inü ngü tüsho thiyumütsan thsü.”

JOHAN 10:24

Judüki Jihudarünü api zündo tüsho tha, “Külokhüh nünü isa lümshangmang ching lashihba? Nü Khrista a sho isa ki khipkhitde thaang.”

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 19:7

Jihudarünü api ki alo, “Isa yakzan khülang lah, tüsho isa yakzan yande api ashepü tsütsü, tümütüsho api aküdah thsüde Thrünpuh tsührü kamshihdo.”

JOHAN 19:9

tüsho thüyam ching yüzahlobah Jisu ki tha, “Nü küchingnü a? Tüshe Jisunü api ki tümü malo.”

YUNIRÜBO RHIMO 8:32

Kheakü khede alakhi amüsühyu ju ha lakheah: “Namfimihnu alaksahpü bede ayükhi yungsho namfimihnununü anam-rhiprü miki zhikde alakhi nangde, apinü amün mükhimshuh.

1 TIMOTHI 1:11

Haju I ki thiyikhi müngühmühi Thrünpuh müretahkhi thiyusheakatsü yande lah.

1 TIMOTHI 6:15

tüsho ha kim dükdü ching, müngühmühi tüsho wuto ju lang, kiulongthsürübo kheaknü Kiulongthsürü tüsho atungrübo kheaknü Atungrü,

1 PETER 2:23

Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.