MARK 14:49 - AMÜSÜH HÜM CL Bible (BSI)

⁴⁹ I nüsa lung arüngyam ching thsangyude alakheah, tüsho nüsanü I müram. Tüshe amüsühyubo ju adünjibe ah.”

MARK 14:49 Iomraidhean Croise

MATHI 1:22

Ha alala wukihrü hode Atungpuhnü athakhi dünjipü lakheah:

MATHI 26:54

Dale tüsho judüpü thsüde amüsühyu küde thsah adünjiba?”

MATHI 26:55

Ju kim ching Jisunü boto ki tha, “Nüsanü jangkhijangrarü khülang azhihkhi nangde nukshangbo le shinukbo shuhbah I rampü arükhea de? Nimung aban arüngyam ching thsangyude I nüsa lung bindo, tüsho nüsanü I müram.

MATHI 26:56

Tüshe ha alala wukihrübonü thrüta zokhi dünjipü lakheah.” Judüki jingyanrübo alalanü api bahbah tso.

MARK 10:1

Judüki apinü ju chingnü tsahmusu tüsho Jordan thripkhühnü Judea lomi ching arü. Mihtsürübo api ki mukhungde arü, tüsho püpüki nangde apinü arü thsangyu.

MARK 11:27

Judüki arübo Jirusalem ching alode arü. Tüsho api arüngyam ching tsahde alachoki, amükeam putungrübo, yakzan thsangyurübo, tüsho azothsürübo api kilim arü.

MARK 12:35

Küyimki Jisunü arüngyam ching thsangyude alakheanü, apinü keokhi, “Küde thsah yakzan thsangyurübonü Khrista ju David tsührü ah de thacho?

MARK 14:48

Judüki Jisunü arü ki tha, “Nüsabo jangkhijangrarü khülang azhihkhi nangde nukshangbo le shinukbo shuhbah I rampü arükhea de?

MARK 14:50

Judüki jingyanrübo alalanü api bahbah hiumüzütde tso.

LUKNÜ ATHRÜTKHI THIYUSHEAK-ATSÜ HUHTANYU 19:47

Tüsho apinü nimung aban arüngyam ching thsangyude alakheah. Tüshe amükeam putungrübo, yakzan thsangyurübo, tüsho mihtsürü limberübonü api laksahpü yim,

LUKNÜ ATHRÜTKHI THIYUSHEAK-ATSÜ HUHTANYU 22:37

Tümütüsho ha thrüta lakhi ju I kheak dünjibah de inü nüsa ki thachoh: ‘Tüsho api ju athsümünimrü lung kheyuk.’ Tümüde I dünkheaknü thrüta lakhibo adünjipü lah.”

JOHAN 10:23

Tüsho Jisu ju arüngyam limkhuh Solomon ayinkhe khüp tsahde alakheah.

JOHAN 18:20

Jisunü api ki alo, “Inü alomi ki khipkhitde thado. Inü Jihudarü mukhungpung sinagogbo le arüngyam ching kamruhroro thsangyudo, tüsho inü ramde tümü mütha.

JOHAN 7:37

Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

JOHAN 8:2

Yapsu mükikde apinü arüngyam ching arülo, tüsho mihtsürü alala api ki arü; tüsho apinü binbah arü thsangyu.