MARK 14:45 - AMÜSÜH HÜM CL Bible (BSI)

⁴⁵ Tüsho api arü müleangnü, apinü nahde wutubah api ki tha, “Thsangyurü, Thsangyurü!” tüsho api müthsüp.

MARK 14:45 Iomraidhean Croise

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MARK 12:14

Küyimki arübo arükhea, arünü api ki tha, “Thsangyurü, nü a thiyuro tüsho nünü mihtsürü kheyuka müla, tüshe thiyuro ching Thrünpuh limro thsangyuchoh de isanü mükheahlah. Isanü Kaesar kilim ruk jihpü yakzan la shi müla?

MARK 14:44

Kheakü api yinatsühbuhnü arü kilim amütsan khülang jihde tha, “Shepü inü müthsüpbanü api ah; api ramang tüsho aheangde bebah tsoang.”

MARK 14:46

Judüki arünü api tholo tüsho ram.

LUKNÜ ATHRÜTKHI THIYUSHEAK-ATSÜ HUHTANYU 6:46

“Tümüde nüsanü I ki Atungpuh, Atungpuh de jichoh, tüshe inü nüsa ki thakhi mürhimocho?

JOHAN 20:16

Jisunü alibe ki tha, “Mari!” Alibenü rholo tüsho api ki alo, “Rabboni!” (amütsan Thsangyurü).

JOHAN 4:31

Ju kim ching jingyanrübonü mushude api ki tha, “Rabbi, tsühyungang.”