MARK 12:36 - AMÜSÜH HÜM CL Bible (BSI)

³⁶ Tümütüsho Amüsüh Me hode Davidnü tha: ‘Atungpuhnü I Tungpuh ki tha, “Inü nü riribo nü jing jungpung mükamshihyikia I khah tsülim binang.”’

MARK 12:36 Iomraidhean Croise

2 SAMUEL 23:2

Atungpuh menü I hode asukchoh, api yu I mulo kheak kihlah.

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

MUNGSHIKHÜN 110:1

Atungpuhnü I tungpuh ki tha, “Inü nü riribo nü jing-dubopung müthsüshihyi khiungde, I khah tsülim binang.”

MATHI 5:35

yungsho alomi dütam, tümüde ju api jing dubopung; yungsho Jirusalem dütam, tümüde ju ato kiulongthsürü kiuto ah.

YUNIRÜBO RHIMO 1:16

tüsho tha, “I keoniorübo, David hode Amüsüh Menü, Jisu rampü limbebuh kamkhi Juda dünkheak thakhi amüsühyu dünjipü lakheah;

YUNIRÜBO RHIMO 28:25

Jumonü Paulnü ha thachoki arü bolung marüpachihde chamachih: “Nüsa jipürü ki Isaia wukihrü hode Amüsüh Menü athakhi ju alungki lakheah:

1 KORINT 15:25

Tümüde apinü anihbuh riribo alala ajing khüp müyüzahshihyi khiungde yakzan shuhbah.

2 TIMOTHI 3:16

Amüsühyu alala Thrünpuhnü mütyukjihkhi tüsho thsangyupü, athürühpü, thsülangpü tüsho thiyuro-lungki ching zükhitpü thsungkheak yihnüpü lah,

IBRI 1:13

Tüshe Thrünpuhnü yunirü ki küyimkishe mütha, “Inü nü riribo nü jing jungpung mükamshihyi khiungde I khah tsülim binang.”

IBRI 4:7

kheaküshe Thrünpuhnü, “Khihni” de nimung püpü zojih. Kam ahihkhüh dunglim apinü David hode asukkhi amüsühyu ching thaa lah; “Khihni nüsanü api yu sochoki, nüsa mulongbo dümüküp.”

1 PETER 1:11

Khrista thsünüpü tüsho jushu müretah lapü müchitchoki, arü kheak lakhi Khrista Menü ahuhkhi yande küdürü mihtsürü yungsho tümü kim labaki de arünü yimakheah.

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.