MARK 12:35 - AMÜSÜH HÜM CL Bible (BSI)

³⁵ Küyimki Jisunü arüngyam ching thsangyude alakheanü, apinü keokhi, “Küde thsah yakzan thsangyurübonü Khrista ju David tsührü ah de thacho?

MARK 12:35 Iomraidhean Croise

MATHI 26:55

Ju kim ching Jisunü boto ki tha, “Nüsanü jangkhijangrarü khülang azhihkhi nangde nukshangbo le shinukbo shuhbah I rampü arükhea de? Nimung aban arüngyam ching thsangyude I nüsa lung bindo, tüsho nüsanü I müram.

MATHI 9:27

Küyimki Jisu ju chingnü chamachihkhea, müktukrü mihtsürü mahne api dunglim arübah zhide tha, “David tsührü, ike muzhoang!”

MARK 10:1

Judüki apinü ju chingnü tsahmusu tüsho Jordan thripkhühnü Judea lomi ching arü. Mihtsürübo api ki mukhungde arü, tüsho püpüki nangde apinü arü thsangyu.

MARK 11:27

Judüki arübo Jirusalem ching alode arü. Tüsho api arüngyam ching tsahde alachoki, amükeam putungrübo, yakzan thsangyurübo, tüsho azothsürübo api kilim arü.

MARK 14:49

I nüsa lung arüngyam ching thsangyude alakheah, tüsho nüsanü I müram. Tüshe amüsühyubo ju adünjibe ah.”

LUKNÜ ATHRÜTKHI THIYUSHEAK-ATSÜ HUHTANYU 19:47

Tüsho apinü nimung aban arüngyam ching thsangyude alakheah. Tüshe amükeam putungrübo, yakzan thsangyurübo, tüsho mihtsürü limberübonü api laksahpü yim,

LUKNÜ ATHRÜTKHI THIYUSHEAK-ATSÜ HUHTANYU 20:1

Nimung khülang apinü arüngyam ching mihtsürübo thsangyude tüsho thiyusheak-atsü thsangyuthsangrade alachoki, amükeam putungrübo tüsho yakzan thsangyurübonü azothsürübo lung thsürubah Jisu shoru.

LUKNÜ ATHRÜTKHI THIYUSHEAK-ATSÜ HUHTANYU 21:37

Animung kim ching apinü arüngyam ching thsangyu, tüshe azhing ching a wukhiukbah Oliv Müzüng ching yap,

JOHAN 18:20

Jisunü api ki alo, “Inü alomi ki khipkhitde thado. Inü Jihudarü mukhungpung sinagogbo le arüngyam ching kamruhroro thsangyudo, tüsho inü ramde tümü mütha.

JOHAN 7:42

Khrista ju David tsühsoniuso chingnü tüsho David lapung Bethlehem kiuto chingnü arübah de amüsühyunü thachoh yung de?”