MARK 12:32 - AMÜSÜH HÜM CL Bible (BSI)

³² Jumonü yakzan thsangyurünü api ki tha, “Tsüde thado, Thsangyurü. Nünü thiyuro asukdo, tümüde Thrünpuh khülang lah, tüsho püpü müla tüshe api lah.

MARK 12:32 Iomraidhean Croise

ISAIA 44:8

Dajan, yungsho dütre; inü nü ki adüso chingnü mütha de yungsho mükhipkhit de? Nüsa I yumütsan thsürübo! I hobah püpü thrünpuh la shi? Ju ching Lung püpü müla; inü mükheahlah, she müla.

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

ISAIA 46:9

Adüso dünjikhibo lümkhitang; tümüde I Thrünpuh ah, tüsho püpürü müla; I Thrünpuh ah, tüsho I nangde she müla,

MARK 12:29

Jisunü api ki alo, “Thiyuzüng bolung khide adungtobe ju: ‘Aniang, O Israel, Atungpuh isa Thrünpuh ju lang Atungpuh ah.

MARK 12:33

Tüsho mulong alalanü, anikhitkhi alalanü, me alalanü, tüsho sühmüh alalanü api muzhopü tüsho yamhingrü ki nihbuh nangde muzhopü ju abümnü taka kingaünkhi tüsho laksah-a kingaünkhi kheaknü alübe ah.”

YUZÜNGTHALO 4:35

Atungpuh ju Thrünpuh ah de ahuhpü thsüde ha nüsa ki rhimodo; api hode sheshe müla.

YUZÜNGTHALO 4:39

Jumonü khihni ha mükheahang, tüsho Atungpuh ju thüning tüsho alomi ching Thrünpuh ah de nüsa mulong ching lümang; ju ching püpü sheshe müla.

YUZÜNGTHALO 5:7

Nünü I miki püpürü thrünpuh tümü dülashih.

YUZÜNGTHALO 6:4

“O Israel aniang: Atungpuh isa Thrünpuh ju lang Atungpuh ah!