MARK 12:29 - AMÜSÜH HÜM CL Bible (BSI)

²⁹ Jisunü api ki alo, “Thiyuzüng bolung khide adungtobe ju: ‘Aniang, O Israel, Atungpuh isa Thrünpuh ju lang Atungpuh ah.

MARK 12:29 Iomraidhean Croise

MUNGSHIKHÜN 86:10

Tümüde nü ato ah, tüsho amüyinsahbe rhimochoh; nü lang Thrünpuh ah.

MÜCHITMUDU 23:26

I tsah-a, nü mulong I kilim jihang tüsho nü mükbo I limrobo lim zoang,

MATHI 10:37

Shepünü I kheaknü abuh yungsho abe alü muzhochonü I jingyanrü thsüpü müthülün. Tüsho shepünü I kheaknü tsührü yungsho tsührübe alü muzhochonü I jingyanrü thsüpü müthülün.

MATHI 23:9

Tüsho alomi ching mihtsürü she ki she abuh de düji, tümüde yinmi ching nüsa Abuh khülang lah.

LUKNÜ ATHRÜTKHI THIYUSHEAK-ATSÜ HUHTANYU 10:27

Jumonü apinü alo, “‘Nünü nü mulong athrünkhinü, nü me athrünkhinü, tüsho nü sulüm athrünkhinü Atungpuh nü Thrünpuh muzhoang,’ tüsho ‘nü yamhingrü ki nihbuh nangde muzhoang.’ ”

ROMRÜ KILIM PAULNÜ ATHRÜTKHI KIHÜM HUHTANYU 3:30

tümütüsho Thrünpuh ju khülang ah; tüsho apinü tsütabahkhi tüsho tsütamübahkhi arü akin hode alim mütsanjihbah.

1 KORINT 8:4

Junangde sangthsübo ki kingaünkhi tsühyungbe tsühkhi ju, sangthsü khülang ju atsütsü rhangdung müla de isanü mükheahlah, tüsho Thrünpuh khülang lang lah.

GALATIA 3:20

Limburü dükhi ju bo khülang thsung thsüde yung; tüshe Thrünpuh ju khülang ah.

YUZÜNGTHALO 10:12

“Tüsho kheakü, O Israel, Atungpuh nü Thrünpuhnü nü kheaknü tümü kheangcho, tüshe Atungpuh nü Thrünpuh wüntreang, api limrobo ching tsahpü tüsho api muzhopü Atungpuh nü Thrünpuh nü mulong tüsho nü me athrünkhinü atankihpü,

YUZÜNGTHALO 30:6

Tüsho nü mulong athrünkhinü tüsho nü me athrünkhinü api muzhopü thsüde Atungpuh nü Thrünpuhnü nü mulong tüsho nü tsühsoniuso mulong tsütabahjihbah, junangde nüsa rhangdung labah.

YUZÜNGTHALO 6:4

“O Israel aniang: Atungpuh isa Thrünpuh ju lang Atungpuh ah!

1 TIMOTHI 1:5

Ha thiyukhüm jihkhi mükkheahkih ju mulong amüsüh, lümkhi atsü tüsho düküngde akinkhi chingnü arükhi amuzho lah.

1 TIMOTHI 2:5

Tümüde Thrünpuh khülang, tüsho Thrünpuh le mihtsürü dükeak limburü, mihtsürü Jisu Khrista lah,

JAKOB 2:19

Thrünpuh khülang lah de nüsanü kinchoh; tsülah! Arimrinü she kinchoh tüsho trede ajanchoh.

JUDNÜ ATHRÜTKHI KIHÜM HUHTANYU 1:25

Thrünpuh, isa Atungpuh Jisu Khrista hode isa khümkhitbuh kilim müretah, wüntre-müretah, yakzan shuhkhi, tüsho wu, kim alala müngüh, kheakü tüsho lünnü laang. Amen.