MARK 12:28 - AMÜSÜH HÜM CL Bible (BSI)

²⁸ Judüki yakzan thsangyurü bolung khülang arü tüsho arü atsangachihkhi so. Jisunü arü ki tsüde alodo de mütsanbah api ki keokhi, “Thiyuzüng alala bolung küpü adungtobe a?”

MARK 12:28 Iomraidhean Croise

MATHI 19:18

Apinü anihbuh ki tha, “Küpü a?” Tüsho Jisunü alo, “Nünü dülaksah, nünü müzammüram düthsü, nünü dahüh, nünü arükchih thiyumütsan düthsü,

MATHI 23:23

“Nüsa yakzan thsangyurübo tüsho Pharisirü, yiuhkhaprübo, are! Nüsanü rhümthünea wokephüyak, ningpürang tüsho khiungün thürü shihcham jihchoh, tüshe nüsanü adungtobe yakzan thiyuro, mihmüthsüm tüsho akin bahyuk. Püpü ju she mübahyukde nüsanü harü rhimopü lado.

MATHI 5:19

Shepünü harü thiyukhüm bolung aninibe thsümünimcho, tüsho jude athsüpü püpürü ki thsangyuchonü yinmi kiulongthsü ching aninibe de ajibah, tüshe shepünü rhimocho tüsho harü yukhümbo thsangyuchonü yinmi kiulongthsü ching atobe de ajibah.

MARK 9:14

Tüsho küyimki api jingyanrübo kilim arükhea, yimto ato khülang arü mükamde, tüsho yakzan thsangyurübonü arü kheak atsangachihde ngü.

LUKNÜ ATHRÜTKHI THIYUSHEAK-ATSÜ HUHTANYU 11:42

“Tüshe nüsa Pharisirübo are! Tümütüsho nüsanü khiungün le rhümthünea wonin tüsho wokephüyak alala kingaün jihchoh, tüshe thiyuro tüsho Thrünpuh amuzho bahyukchoh. Püpü ju she mübahyukde nüsanü harü rhimopü lado.

LUKNÜ ATHRÜTKHI THIYUSHEAK-ATSÜ HUHTANYU 20:39

Judüki yakzan thsangyurü khürünü tha, “Thsangyurü, nünü tsüde thado.”