MARK 12:24 - AMÜSÜH HÜM CL Bible (BSI)

²⁴ Jisunü arü ki alo tüsho tha, “Jumonü nüsanü amüsühyubo yungsho Thrünpuh wu mümükheahkhi hode lakmih-a lah yung de?

MARK 12:24 Iomraidhean Croise

THRÜNTAN 18:14

Atungpuh thsungkheaknü tümükhüh khide chakla de? Münchikhi kim ching shikam I nü kilim alode arübah, tüsho Sara tsührü khülang labah.”

ISAIA 25:8

Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

ISAIA 26:19

Isa mihtsürü shea larü arhang kamlobah, arü mibo asürübah. O asungthulung ching larübo, asürang tüsho asühachihkhi khün thsang! Tümüde nü yo ayinke ju yapsu ayinke nangde lah, tüsho alominü shea larü yankhitbah.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

JEREMIA 32:17

Ah, Atungpuh T H RÜ NPU H ! Nünü nü wu ato tüsho nü khah chungkhitkhinü thüningbo tüsho alomi thrün! Nü thsungkheak tümü she achak müla.

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

HOSEA 13:14

Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah.

HOSEA 6:2

Nimung mahne dunglim apinü isa thsüphulobah; mahsam nipü apinü isa yihmusubah, junangde api miki isa labah.

HOSEA 6:6

Tümüde inü mihmüthsüm lunelah tüsho laksah-a kingaünkhi yung, taka kingaünkhi kheaknü Thrünpuh mükheahkhi lunelah.

HOSEA 8:12

Inü arü thsungkheak I yakzan ahihdo thrütjihdo, tüshe arünü jurübo tümükhüh jakso nangde khejihchoh.

MATHI 22:29

Jisunü arü ki alo, “Nüsanü amüsühyu yungsho Thrünpuh wu mümükheahde lakmihdo.

MARK 10:27

Tüshe Jisunü arü kheahde tha, “Mihtsürübo thsungkheaknü ha amukukbe, tüshe Thrünpuh thsungkheak a jude yung; tümüde Thrünpuh thsungkheak a alala akukbe lah.”

MARK 12:23

Jumonü arhang kamlokhi ching, küyimki arü asürübanü alibe ju shepü niube laba? Tümütüsho arü thüne alalanü alibe ju arü niube thsüpü lukheah.”

MARK 12:25

Tümütüsho küyimki arü ashe chingnü arhang kamlobanü, arünü mürhang yungsho yamkhün müthsü, tüshe arübo yinmi ching yunirübo nangde alabah.

LUKNÜ ATHRÜTKHI THIYUSHEAK-ATSÜ HUHTANYU 1:37

Tümüde Thrünpuh kilim tümü amukukpü müla.”

JOHAN 20:9

Tümütüsho api ashe chingnü arhang kamlobah de arünü amüsühyu mümükheahyide alakheah.

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

ROMRÜ KILIM PAULNÜ ATHRÜTKHI KIHÜM HUHTANYU 15:4

Tümüpürü adüso nimungbo ching thrütkheanü, isa thsangyupü thsungkheak lakheah, junangde amüsühyu düküngkhi tüsho tuthsukkhinü isa mulonglam labah.

EFISIA 1:19

tüsho tümü ju api wu ato rhimokhi yande akinrü isa kilim makekhukkhi api sühmüh tokhi la,

FILIPI 3:21

Apinü anihbuh yakzan bukkhüp lüpdükhi hande arükhukkhi wu hode isa reangmüzahkhi pang müthrijihbah tüsho müretahkhi api pang nangde akamshihbah.