MARK 12:1 - AMÜSÜH HÜM CL Bible (BSI)

¹ Judüki apinü arü ki shihdanglimyu chingnü athapü tankih: “Mihtsürü khülangnü kurungasolu thsübah ju mükamde awündo, anitpung alokhün kiu tüsho aheangsadam thsü. Tüsho apinü thulu-thsürübo ki amüche jihbah lomi ashang ching hantsah yü.

MARK 12:1 Iomraidhean Croise

ISAIA 7:23

Ju nimung kurungaso 1000 lapung, shotoyinchi 1000 dünkhi ju, khingphu tüsho ayangrungnü chakdoabahbah.

JEREMIA 2:21

Tütüshe amokhitkhi kurungaso nangde inü mokhita zokhi chingnü nü khimkheah. Dale küde thsah nünü thsümünimkhea tüsho mütüm kurungaso kamkhea?

EZEKIEL 20:49

Judüki inü tha, “Ah, Wuto Atungpuh ! Arünü I dünkheak thachoh, ‘ Apinü shihdanglimyu thachoh yung de?’ ”

MATHI 13:3

Judüki apinü arü ki shihdanglimyu ahihdo tha: “Kheahang, müjih-hiurü khülang müjih hiupü yü.

MATHI 21:28

“Nüsanü tümü lümcho? Mihtsürü khülang tsührü mahne lakheah; tüsho apinü adüjibuh ki yübah tha, ‘I tsah-a, yüang tüsho khihni kurungasolu ching rhimoang.’

MATHI 21:33

“Shihdanglimyu püpü: Kurungasolu putungrü khülang lakheah. Apinü ju mükamde shahwün ayün, ju ching anitpung kiu tüsho aheangsadam khülang thsü. Judüki apinü kurungasolu ju thulu-thsürü khürü kilim amüche jihbah hantsah yü.

MATHI 21:34

Küyimki yimlupü kim khiungkhea, apinü thulu-mücherü kilim yimlukhi chingnü shihcham lupü ayamlarübo yüshih;

MATHI 25:14

“Tümütüsho yinmi kiulongthsü ju mihtsürü khülangnü ayamlarübo jibahle api kukrukbo zojihbah limshu lomi ching hantsah yükhi kiphahlah.

MARK 11:33

Jumonü arünü Jisu ki alo, “Isanü mümükheah.” Tüsho Jisunü arü ki tha, “Inü tümü thiyukhüm-sühmühnü harü rhimochonü nüsa ki she mütha.”

MARK 13:34

Ha mihtsürü khülangnü api yamlarübo aban ki nihbuh rhimo hahmülang tüsho ripit-neakrü ki thiyukhüm jihde nihbuh yam zojihbah limshu lomi ching hantsah yükhi kiphahlah.

MARK 3:23

Jumonü apinü arübo anihbuh kilim ji tüsho shihdanglimyu chingnü arü ki tha: “Arimrinü küde thsah Arimri yankhitpü?

MARK 4:2

Judüki apinü shihdanglimyu chingnü ahihkhüh arü ki thsangyude tha:

LUKNÜ ATHRÜTKHI THIYUSHEAK-ATSÜ HUHTANYU 15:13

Nimung anükhüh dunglim, akheambuhnü api lakhi alala hanmukhungbah limshu lomi ching hantsahde yü tüsho api lakhit phinphurukabah.

LUKNÜ ATHRÜTKHI THIYUSHEAK-ATSÜ HUHTANYU 19:12

Jumonü apinü tha: “Atorü khülang anihbuh kiulongthsürü kambah alode arüpü limshu lomi ching yü.

LUKNÜ ATHRÜTKHI THIYUSHEAK-ATSÜ HUHTANYU 22:9

Jumonü anenü api ki tha, “Nünü ike kükheak thsakhamshihnela?”

LUKNÜ ATHRÜTKHI THIYUSHEAK-ATSÜ HUHTANYU 8:10

apinü tha, “Nüsa kilim a Thrünpuh kiulongthsü aramyubo mükheahpü jih-a lah; junangde arünü kheahkheah she mükheahkhit, tüsho anini she manikhit.

YUNIRÜBO RHIMO 7:38

Api ju Sinai Müzüng ching api le isa jipürü ki asukbuh yunirü bede sunglo ching amukhungrü lung lakheah; tüsho apinü isa kilim jihpü rhangdung yubo leangkhi.