MARK 11:18 - AMÜSÜH HÜM CL Bible (BSI)

¹⁸ Tüsho yakzan thsangyurübo le amükeam putungrübonü ju sobah api laksahpü rük yim; arünü api trede alakheah, tümütüsho mihtsürü alalanü api thsangyukhi kheak müyinsahde alakheah.

MARK 11:18 Iomraidhean Croise

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

1 KIULONG THSÜRÜ 22:18

Israel kiulongthsüpuhnü Jehoshaphat ki tha, “Apinü I dünkheak atsübe mümüchit de inü nü ki mütha de, tüshe thsümütsü lang?”

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

MATHI 21:15

Tüshe apinü amüyinsahbebo rhimokhi tüsho “Hosanna David tsührü” de azürübonü arüngyam ching zhikhi amükeam putungrübo tüsho yakzan thsangyurübonü ngübah arü bukakhiuk.

MATHI 7:28

Küyimki Jisunü harü yubo thakhamkhea, apinü thsangyukhi ching yimto atonü müyinsah,

MARK 1:22

Tüsho apinü thsangyukhi ching mihtsürübonü müyinsah, tümüde apinü thiyukhüm-sühmüh lakhi khülang nangde thsangyu.

MARK 11:32

Tüshe arünü mihtsürü kilimnü de athapü she mihtsürübo tre, tümüde alalanü Johan ju wukihrü khejih.”

MARK 12:12

Tüsho arünü api rampü rük yim, tümütüsho apinü arü azhihde shihdanglimyu thado de arünü mükheah. Tüshe arünü boto trede alakheah; jumonü arünü api bahjihbah tsoabah.

MARK 3:6

Judüki Pharisirübonü wukhiuk tüsho Herod jingyanrübo bebah küde thsübah api laksahbanü api azhihde rük yim.

MARK 6:20

tümütüsho Herodnü api thiyuro tüsho amüsüh mihtsürü thsükhinü Johan tre, tüsho api kümdo. Kim aban api dünkheak sobah khide phümüsüpa lalashe apinü anihbuh ki anipü kün.

LUKNÜ ATHRÜTKHI THIYUSHEAK-ATSÜ HUHTANYU 19:47

Tüsho apinü nimung aban arüngyam ching thsangyude alakheah. Tüshe amükeam putungrübo, yakzan thsangyurübo, tüsho mihtsürü limberübonü api laksahpü yim,

LUKNÜ ATHRÜTKHI THIYUSHEAK-ATSÜ HUHTANYU 2:47

tüsho api anikhitkhi tüsho alokhi sorü alalanü müyinsah.

LUKNÜ ATHRÜTKHI THIYUSHEAK-ATSÜ HUHTANYU 20:19

Tüsho amükeam putungrübo le yakzan thsangyurübonü apinü shihdanglimyu ha arü azhihde thachoh de mükheahbah ju kim chingnü api rampü yim, tüshe arünü mihtsürübo tre.

LUKNÜ ATHRÜTKHI THIYUSHEAK-ATSÜ HUHTANYU 4:22

Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”

JOHAN 7:1

Ju dunglim Jisunü Galilee ching tsah, tümütüsho Jihudarünü api laksahpü yimkhinü Judea ching tsahpü mükünde alakheah.

JOHAN 7:19

Mosanü nüsa kilim yakzan jihbah nüsanü yakzan muzokhi yung de? Tümüde nüsanü I laksahpü yimcho?”

JOHAN 7:46

Atorübonü alo, “Mihtsürü shenü she ha mihtsürü ruk masuk!”

YUNIRÜBO RHIMO 24:25

Tüsho apinü thiyuro le zangrü danyukkhi tüsho arübe mahkhap atsangachihchoki Felix trede kam tüsho tha, “Kheakü thsungkheak tsoang; küyimki I kim labanü inü nü jibah.”