MARK 10:5 - AMÜSÜH HÜM CL Bible (BSI)

⁵ Tüsho Jisunü arü ki alo tüsho tha, “Nüsa mulong müküpkhinü apinü nüsa khilim ha yakzan thrütkheah.

MARK 10:5 Iomraidhean Croise

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

MATHI 19:8

Apinü arü ki alo, “Nüsa mulong müküpkhi hode Mosanü nüsa ki nüsa niuberü bahpü mülükheah, tüshe atankih chingnü a jude müla.

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

YUZÜNGTHALO 24:1

“Küyimki athrürü khülangnü niuberü lubah apinü anihbe kheak tümükhüh mümüsühde ngübah alüm müshede akambanü; tüsho apinü abahkhi mülükhi hüm thrüta akhah ching yukjihbah api yam chingnü atsoshihbanü,

YUZÜNGTHALO 31:27

tümüde nüsanü azhihkhi tüsho yihkhrokhi inü mükheahlah. Khihni I nüsa lung lachokiyamnü nüsanü Atungpuh azhihde lado, dale I sheshu a küdükhüh laba?

YUZÜNGTHALO 9:6

Jumonü nüsa kheak thiyuro lamonü Atungpuh nüsa thrünpuhnü ha lo atsü nüsanü amükühpü jihkhi yung de mükheahang, tümüde nüsa anihnih mihtsürü ah.