MARK 10:45 - AMÜSÜH HÜM CL Bible (BSI)

⁴⁵ Tümütüsho Mihtsürü Tsührü she tankihshihpü arükhi yung, tüshe tankihpü tüsho ahihkhüh rhokhitpü api rhangdung jihpü arükheah.”

MARK 10:45 Iomraidhean Croise

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

MARK 10:44

Tüsho nüsa shepünü akhuh kamnelanü alala azhorü labah.

JOHAN 10:15

I Buhnü I mükheahkhi nangde, inü I Buh mükheahlah; tüsho inü namfimihnubo thsungkheak I rhangdung jihchoh.

JOHAN 13:14

Junangde I nüsa Tungpuh tüsho Thsangyurünü nüsa jingbo müsühkheasho, nüsanü she khülangnü khülang jing müsühjihbeah.

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 5:8

Api ju atsührü thsüa lalashe, apinü thsünükhi hode mihyuanipü mükheah;

1 PETER 1:19

tüshe lapha yungsho areak mükihkhi namfimihnunu nangde, Jisu shoto thiyih hode ah.