MARK 10:38 - AMÜSÜH HÜM CL Bible (BSI)

³⁸ Tüshe Jisunü ane ki tha, “Nükenü tümü kheangchonü ju nükenü mümükheah. Inü ayungkhi pung nükenü ayungkhukba de, tüsho I baptikhi yande nükenü baptikhukba de?”

MARK 10:38 Iomraidhean Croise

1 KIULONG THSÜRÜ 2:22

Kiulongthsüpuh Solomonnü abe ki alo, “Tümüde Shunamrü Abishag ju Adonija thsungkheak nünü keokhicho? Api thsungkheaknü kiulongthsü she keokhiang! Tümüde api I khiung azopü ah; api thsungkheak lang dükeo tüshe amükeambuh Abiathar tüsho Zeruia tsührü Joab thsungkheak she keokhiang!”

MUNGSHIKHÜN 75:8

Tümüde Atungpuh khah ching pung khülang lah, tüsho yukhu ju amürüm; ju tsüde rhuzhihzhih, tüsho apinü dungkhitchoh; tüsho alomi mihbukmuyuk alalanü mütrünkhide ayungbah.

ISAIA 51:22

Wuto Atungpuhnü ha thachoh, nü Thrünpuh shepünü api mihtsürü dünkheak mushujihcho: Kheahang, nü khah chingnü amüshangbe pung inü ludo; nünü kheaküa I bukakhiukkhi lakuk chingnü mütründe muyung.

JEREMIA 25:15

Tümüde Atungpuh , Israel Thrünpuhnü I ki ha thachoh: I khah chingnü ha bukakhiuk yukhu pung luang, tüsho inü nü yüshihpung trükshihbo alalanü ha yungshang.

JEREMIA 45:5

Tüsho nü thsungkheak nünü kukruk atobo yimcho de? Jurübo düyim; tümüde mihtsürü alala kheak inü thsümütsü handarübah, Atungpuhnü thachoh; tüshe nü kürü ching yübanü inü nü rhangdung tsokhitshihbah.”

MATHI 26:39

Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

MATHI 3:6

tüsho arü neakbo alokhide apinü Jordan ching arübo baptijih.

MARK 14:36

Tüsho apinü tha, “Abuh, Abuh, nü thsungkheaknü alala akukbe lah. I kheaknü ha pung luakhinjang; judüalalashe, I lümkhi yung, tüshe nü lümkhi ah.”

LUKNÜ ATHRÜTKHI THIYUSHEAK-ATSÜ HUHTANYU 12:50

Tüshe I baptipü lah, tüsho ju muhoyikia I küdükhüh lümthsünükhi la!

LUKNÜ ATHRÜTKHI THIYUSHEAK-ATSÜ HUHTANYU 22:42

“Abuh, ha nü lümkhi thsüsho, ha pung I kheaknü luakhinjang; tütüshe I lümkhi yung, tüshe nü lümkhi thsang.”

JOHAN 18:11

Jisunü Peter ki tha, “Nü nukshang nuktrüp ching yukang. I Buhnü I kilim jihkhi pung inü muyungbea de?”

ROMRÜ KILIM PAULNÜ ATHRÜTKHI KIHÜM HUHTANYU 8:26

Junangde isa yiuhyiuhde alachoki Menü isa rungchoh; tümüde küde tamkhüntamnübanü isanü mümükheah; thiyubonü müthakhukbe ashede Me küdahnü isa thsungkheak Thrünpuh ki mushujihchoh.

JAKOB 4:3

Nüsanü kheangchoh tüshe müngü, tümütüsho nüsanü nüsa shihkünkhi ching bahpü amülimnü kheangchoh.