MARK 10:33 - AMÜSÜH HÜM CL Bible (BSI)

³³ “Kheahang, isa Jirusalem lim wutuchoh, tüsho Mihtsürü Tsührü ju amükeam putungrübo le yakzan thsangyurü kilim thsungyuka jihbah, arünü api bahyuka sheshihbah tüsho khiungkerü kilim jihbah;

MARK 10:33 Iomraidhean Croise

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

MATHI 16:21

Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih.

MATHI 26:66

Nüsanü tümü lümcho?” Arünü alo, “Api ashepü thülünlah.”

MATHI 27:2

Arünü api rhük tüsho Rom kovünor Pilat kilim bede yünü jih.

MARK 14:64

Mükhemürangde athakhi nüsanü sodo! Nüsanü tümü lümcho?” Tüsho arü alalanü api ashepü thülünlah de bahyuk.

MARK 15:1

Yapsu nahde amükeam putungrübonü azothsürü le yakzan thsangyurü tüsho kiuthsübinkiu alala bebah küdangkhi la; tüsho arünü Jisu rhükbah bede yünü Pilat kilim jih.

MARK 8:31

Tüsho apinü Mihtsürü Tsührü ju khide thsünübah, azothsürü le amükeam putungrü tüsho athrütrübonü abahyukbah, alaksahbah, tüsho nimung mahsam dunglim asürülobah de arü ki thsangyupü tankih.

MARK 9:12

Judüki apinü arü ki alo, “Elija akhuhde arüchoh tüsho alala tsanglungbah. Dale tümü thsükhi Mihtsürü Tsührü khide thsünüpü tüsho abahyukpü thrüta la?

MARK 9:31

Tümüde apinü ajingyanrübo ki thsangyu tüsho arü ki tha, “Mihtsürü Tsührü ju mihtsürübo khah ching yukjihbah, tüsho arünü api laksahbah, tüsho api laksah dunglim, asam nipü arhang kamlobah.”

LUKNÜ ATHRÜTKHI THIYUSHEAK-ATSÜ HUHTANYU 23:21

tüshe arünü zhide tha, “Api yümkihang, api yümkihang!”

LUKNÜ ATHRÜTKHI THIYUSHEAK-ATSÜ HUHTANYU 9:22

Tüsho apinü tha, “Mihtsürü Tsührü khide thsünübah, tüsho azothsürübo le amükeam putungrübo tüsho yakzan thsangyurübonü bahyukde alaksahbah tüsho nimung mahsam nipü arhang kamlobah.”

JOHAN 18:28

Jushu arünü Jisu ju Kaifa kinü kovünor yam ching bede yü, tüsho ju yapsu mükikde alakheah. Tüshe arü a kovünor yam ching müyüzah, tümüde arünü phungho-thünio tsühpü thsüde arü arüngde alakheah.

JOHAN 18:32

junangde Jisunü api künangde ashebeanü amütsan thsüde athakhi dünjipü lakheah.

JOHAN 19:11

Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”

YUNIRÜBO RHIMO 13:27

Tümüde Jirusalem ching lakhi mihtsürübo tüsho arü limberübonü api akhümkhitbuh de mümükheah yungsho wukihrübo yu Amuni aban khekhi manikhit, tüshe arünü Jisu bahyukkhinü wukihrübo yu dünjishihdo.

YUNIRÜBO RHIMO 20:22

Tüsho kheakü Menü reangkih-a, I kheak tümü dünjibanü mümükheahde Jirusalem lim yüchoh.

JAKOB 5:6

Nüsanü bahyukdo, nüsanü thiyuro-lungki mihtsürü laksahdo; nüsa ki marochih.