MARK 10:30 - AMÜSÜH HÜM CL Bible (BSI)

³⁰ arübo thüyam, khiungmungrü, chiniurü, berü, tsührübo, tüsho alobo thsümüchi lade, ha lün tüsho arüpü lakhi, akheam müla rhangdung ching chinü alü thsükhi müleangkhi.

MARK 10:30 Iomraidhean Croise

2 KIUTHSÜYUKHEAN 25:9

Amazianü Thrünpuh mihtsürü ki tha, “Tüshe inü Israel bonungrü kilim jihkhi shotoyinchi khahngak 3400 dünkheak isanü küde athsüpü?” Thrünpuh mihtsürünü alo, “Atungpuhnü ha kheaknü alü nü kilim jihkhuklah.”

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MÜCHITMUDU 16:16

Suna kheaknü lümlung ngükhi küdükhüh she atsü! Tüsho shotoyinchi kheaknü anikhitkhi ngüpü mokhitbeah.

MALAKI 3:10

Thürü shihcham alala zowupung ching hande arang, junangde I yam ching tsühyungbe labah, tüsho hanü I rükakiang, Wuto Atungpuhnü thachoh; inü nüsa thsungkheak thüning ripitbo khimshuhbah müngühmühi mikhiukde bukkhishihnahnü kheahang.

MATHI 12:32

Khürünü Mihtsürü Tsührü azhihde athakhi neak bahjihbah; tüshe shepünü Amüsüh Me azhihde athabanü, ha lün yungsho arübe lün ching she api a neak mübahjih.

MATHI 13:8

Tüshe khürü alo atsü kheak hiuyuk tüsho khürünü chi, khürünü rukrü, khürünü samrü bande asojih.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

LUKNÜ ATHRÜTKHI THIYUSHEAK-ATSÜ HUHTANYU 18:30

ha lün ching alü thsüde aleangkhibah tüsho arübe lün ching akheam müla rhangdung ngübah.”

JOHAN 10:23

Tüsho Jisu ju arüngyam limkhuh Solomon ayinkhe khüp tsahde alakheah.

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

YUNIRÜBO RHIMO 16:25

Tüshe tsüngphulung ching Paul le Sila büne Thrünpuh ki tamkhüntamnüde tüsho khün thsüde alakheah, tüsho aramrübonü ane ki anide alakheah,

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

ROMRÜ KILIM PAULNÜ ATHRÜTKHI KIHÜM HUHTANYU 5:3

Ju lang yung, thsünükhinü arümkheam akhiukchoh de mükheahbah isanü isa thsünükhi ching asühachihchoh,

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

2 KORINT 6:10

mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

FILIPI 3:8

Jisu Khrista I Tungpuh de amükheahkhi ching khide athülün lakhinü inü lüpdükhi kukshahkhi khechoh. Tümüde api dünkheaknü alala kukshahkhi inü thsünü, tüsho jurü sünit khejihchoh, junangde inü Khrista alü thsübah

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

1 TIMOTHI 4:8

pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.

1 TIMOTHI 6:6

suhdahlah de lümsho akinkhi ching alü ato lah;

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

JAKOB 5:11

Kheahang, arümkheamrü isanü asühpü de jichoh. Jobnü arümkheamkhi nüsanü sodo, tüsho nüsanü Atungpuh lümkhi, Atungpuh amuzho tüsho mihmüthsüm ngüdo.

1 JOHAN 2:25

Tüsho ha lün rhangdung apinü isa ki alokhikhi lah.

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.