MARK 10:22 - AMÜSÜH HÜM CL Bible (BSI)

²² Tüshe ha yu hode api mi mitingde kam, tüsho mulong rozhakde tsoabah, tümüde api lakhit ato lakheah.

MARK 10:22 Iomraidhean Croise

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

MATHI 13:22

Ayangrung ching hiukhi ju, shepünü thiyu sobah alomi mulong sansan tüsho lakhit asühkhinü thiyu ju khüpsahshihcho, tüsho aso masochonü api ah.

MATHI 19:22

Küyimki athrününgtsüngbuhnü ha sokhea, mulong rozhakde api tsoabah; tümüde api lakhit ato lakheah.

MATHI 27:3

Judüki api yinatsühbuh Judanü Jisu bahyukkhi ngübah aküdahnü lümalo tüsho shotoyinchi 30 ju amükeamrü putungrü le azothsürübo kilim hanlode yü.

MARK 10:21

Judüki Jisunü api kheahbah muzho, tüsho tha. “Nü khülangnü maban: Nü limro ching yübah nü lakhi alala yinang tüsho zhochihrü kilim jihang, tüsho yinmi ching nü rahpung labah; tüsho arang, I yanang.”

MARK 10:23

Judüki Jisunü mükamde kheahbah jingyanrübo ki tha, “Alarünü Thrünpuh kiulongthsü ching yüzahpü küdükhüh she achak a!”

MARK 6:20

tümütüsho Herodnü api thiyuro tüsho amüsüh mihtsürü thsükhinü Johan tre, tüsho api kümdo. Kim aban api dünkheak sobah khide phümüsüpa lalashe apinü anihbuh ki anipü kün.

MARK 6:26

Kiulongthsüpuh khide mulong mütsüde alakheah; tütüshe thiyuchihchimkhi tüsho api ki binrü dünkheaknü apinü anihbe ki reanglopü mükün.

LUKNÜ ATHRÜTKHI THIYUSHEAK-ATSÜ HUHTANYU 12:15

Tüsho apinü arü ki tha, “Yihnelune dünkheak kümkangang tüsho kurhangang, tümüde mihtsürü rhangdung ju nihbuh lakhit suhdahkhi ching müla.”

LUKNÜ ATHRÜTKHI THIYUSHEAK-ATSÜ HUHTANYU 18:23

Tüshe küyimki apinü ha sokhea, api khide mulong rozhakabah, tümüde api khide alarü lakheah.

2 KORINT 7:10

Tümüde Thrünpuh lümkhi yande mulong tukthsükhinü akhümkhit lim bepü mulong müthri akhiukshihchoh tüsho tümü mülümalo, tüshe alomi yande mulong tukthsükhinü ashepü akhiukshihchoh.

EFISIA 5:5

Müzammüram, amümüsüh mihtsürü, yihnelunerü (sangthsü kingaünrü) sheshe Khrista tüsho Thrünpuh kiulongthsü ching yamrüplurüp müla de mütsanang.

2 TIMOTHI 4:10

Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo.